Articles

O curso está a piques de rematar e con el o noso PDI, "Amar o mar". Cando iniciamos este proxecto, para nada contabamos que íamos rematar así. A idea inicial mudou e todos tivemos que adaptarnos. A situación non permite que poidamos xuntarnos no colexio para poder compartir todos/as o produto final do noso PDI, pero unha vez mais non queríamos quedar sen mostrar o gran traballo que día tras día, os nenos/as realizan con ilusión.

O xoves 31 de maio  foi unha xornada de festa no colexio. Despedimos o PDI LENDARIO coa visita das familias a un mundo máxico de imaxinación e fantasía. Agradecemos a participación tan positiva de familiares e amigos/as e desexamos que o produto final fose do voso agrado.

O próximo mércores 20 de maio inaugurarase a Exposición do PDI Rus entre planetas, e para celebralo os pais e nais estades convidados a participar nesta xornada, na que o alumnado do centro explicará o desenvolvemento da súa investigación ao longo do curso. Debido á grande afluencia de familiares a esta xornada estruturaremos a visita en tres grupos, que irán pasando por diferentes zonas do centro. Pregamos paciencia ante posibles demoras que poidamos sufrir.

O próximo mércores 14 de xaneiro visitará o noso centro o astrónomo Pedro Pablo Campo do Observatorio Astronómico Ramón María Aller, da Universidade de Santiago de Compostela. Nesta visita falará cos nenos e nenas sobre os diferentes aspectos das astronomía e sobre os labores dos astrónomos/as.