Admisión e Matrícula

Aberto o prazo de reserva de praza para o alumnado de 6º curso que desexe continuar os seus estudos no IES NÚMERO 1 ou no IES Manuel Chamoso Lamas desde o 16 de xaneiro ata o 6 de febreiro.

Para presentar unha solicitude deberá seguir algunha das opcións descritas a continuación:

1. Cubrir a solicitude informáticamente e presentala asinada de xeito manual no centro:

Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

2. Cubrir a solicitude informáticamente e asinala en Sede Electrónica: 

Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.

IMPORTANTE: Debe achegar, na Sede Electrónica da Xunta de Galicia, o anexo dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, última páxina da solicitude que pode visualizar e descargar nesta aplicación).

3. Cubrir a solicitude manualmente e presentala asinada presencialmente no centro:

Se se desexa cubrir manualmente aquí tendes os enlaces aos documentos:

SOLICITUDE DE RESERVA GALEGO

SOLICITUDE DE RESERVA CASTELÁN

Toda esta información podedes atopala en:

https://www.edu.xunta.gal/admisionalumnado/

Ola familias!

Hoxe recibiredes a través dos vosos fillos e fillas o impreso de renovación de matrícula.

Vai destinada ao alumnado que actualmente está matriculado en calquera nivel de Educación Infantil ou Primaria (agás os de sexto de Primaria, que marchan para o instituto).

O prazo para presentar a renovación será ata o 14 de maio incluído.

Se non tedes que aportar ningunha documentación a maiores podedes enviala a través dos vosos fillos e fillas.

O equipo directivo.