Blogue de crissap

NADAL 2023: VISITAS ESPECIAIS

Ven, 29/12/2023 - 12:06 — crissap

Despois dun longo trimestre de traballo e esforzo, chegou o momento de festexar todos xuntos o nadal.

Este ano, tivemos a sorte de recibir unhas visitas moi especiais:

- O luns 18 de decembro visitounos o tradicional personaxe orixinario do interior rural de Galicia: O apalpador.

- O mércores 20 de decembro recibimos a visita de Papá Noel e o mismísimo Grinch! que nos deixaron un agasallo para a nosa aula.

MOITAS GRAZAS!!

PRIMEIR@S GAÑADORES DO RETO MATEMÁTICO!

Xov, 21/12/2023 - 00:00 — crissap

Despois dun fantástico traballo intelectual, intentando resolver cada semana os complicados RETOS MATEMÁTICOS... por fin chegou o momento de coñecer aos primeir@s gañadores!

Moitísimas grazas a tod@s os participantes e, xa sabedes, a continuar dándolle ao coco!!

25 N - DÍA INTERNACIONAL DA ELIMINACIÓN DA VIOLENCIA CONTRA A MULLER

Ven, 24/11/2023 - 12:29 — crissap

Este ano, para celebrar o DÍA INTERNACIONAL DA ELIMINACIÓN DA VIOLENCIA CONTRA A MULLER, elaboramos un mural cooperativo.

Ademais, de modo simbólico, puxémonos tod@s unha pulseira cunha gran mensaxe:

“A VIOLENCIA DE XÉNERO NON TEN IDADE”

PROXECTO DE INVESTIGACIÓN SOBRE A INFLUENCIA DOS RAIOS SOLARES SOBRE A TERRA

Xov, 23/11/2023 - 13:24 — crissap

Despois dunha longa temporada de chuvias, por fin volveu o sol! e isto permitiunos comezar cun novo proxecto que levaremos a cabo ao longo de todo o curso: “Proxecto de investigación sobre a influencia dos raios solares sobre a Terra”.

A investigación consiste en medir a sombra que proxecta un pau no centro da pista de fútbol e rexistrar os datos recollidos. Dita medición realizarase sempre ás 12:30 h.

Antes de comezar a medición da sombra, reflexionamos sobre cales eran os factores a ter en conta para poder comprender a influencia dos raios solares sobre a Terra: os movementos de Terra, inclinación do eixe terrestre, afelio e perihelio, solsticios e equinoccios...

Unha vez rexistradas as medicións durante todo o curso, observaremos os cambios e chegaremos a distintas conclusións.

NUNS MESES COMPARTIREMOS CON TOD@S VÓS AS CONCLUSIÓNS ÁS QUE CHEGAMOS

ATA PRONTO!

MAGOSTO 2023

Dom, 12/11/2023 - 12:48 — crissap

O pasado venres 10 de novembro celebramos o MAGOSTO no cole dun xeito mooooi divertido!!

O profe José Luis, coa axuda do alumnado de 6º, preparou un montón de xogos no pavillón do colexio. Ademais, para rematar a xornada, non podían faltar unhas deliciosas e quentiñas castañas.