Contido popular

Título	Resumo
Xogamos ao balonmán!	Hoxe, mércores 28 de setembro, todos os alumnos de educación primaria tiveron a gran sorte de gozar dunha sesión de xogos físico-lúdicos e introductorios ao balonmán con 2 adestradores da "federación galega de balonmán". Foi unha xornada na que os discentes disfrutaron moito! estiveron activos, respetaron as normas dos xogos, colaboraron a nivel individual e grupal, coñeceron normas deste deporte, traballaron aspectos técnicos, pero sobre todo pasarono moi ben e motiváronse a coñecer este deporte. Moitas gracias por ser tan participativos/as campións!
1ª carreira de orientación do Samaín.	Para conmemorar o Samaín dun xeito terrible e monstruoso realizamos a primeira carreira de orientación, na que participaron con gran éxito todos os alumnos e alumnas de primaria do colexio. Deste xeito tan divertido coñeceron as normas básicas deste deporte, movéronse moi rapidamente para atopar cada unhas das pistas terroríficas, aprenderon a traballar en equipo para lograr un obxectivo común e pasárono tremendamente ben. Moitas gracias pola participación e por respectar as normas do xogos, para o ano máis e mellor campións!
Bailamos con vasoiras polo Samaín!	O venres 28 de outubro, para conmemorar este día tan terrorífico, os discentes de 3º, 4º, 5º e 6º moveron o seu esqueleto realizando unha coreografía con vasoiras, deste xeito, non só debían de procurar a memorización dos pasos a seguir, senón tamén coordinalos coa súa nova compañeira "a vasoira". Movémonos, activamos o noso corpo, coordinamos movementos do tren inferior e superior e añadimos o implemento da "vasoira", memorizamos os pasos a seguir, teatralizamos, pasalo moi mal e con moito medo... canto fixemos! aprendimos xogando pasando un anaco moi divertido. Ata a seguinte chicos e chicas! No seguinte link podedes ver o vídeo da conmemoración: http://www.edu.xunta.gal/centros/ceipcabadavazquez/node/1234
Un magosto moi movido!	O 8 de novembro levouse a cabo o magosto no centro escolar e aproveitando esta circunstancia, fixéronse dende a área de Educación Física e dentro do Proxecto Deportivo de Centro, unha serie de xogos proactivos relacionados coa temática do día. Xogos moi diversos e divertidos onde a principal protagonista do día foi a castaña, pero tamén os múltiples usos físico deportivos que podemos facer con ela: - xogamos de forma conxunta a pasala de un equipo a outro sen que se caera do paracaídas. - fixemos unha carreira de relevos para sementala e apañala. - apañámolas cos ollos pechados intentando coller o máximo número delas. - tivemos que adiviñar en qué mans do compañeiro se escondía. Foron propostas de xogos moi diferentes pero nas que se requería axilidade, velocidade, traballo en equipo e estratexia. Moitos parabéns!
Comeza o mundial de fútbol en Codeseda!	Hoxe empezamos un mundial de fútbol moi particular! Prolongarase durante toda a semana mediante a realización de distintas propostas relacionadas co deporte, onde se incrementarán os retos e a dificultade dos mesmos. Para dar inicio a este evento lúdico-deportivo comezouse pola inaguración, festexandoa por todo o alto: acendido de antorchas, desfile de deportistas, actividades que precisaban de destrezas e habilidades técnicas, lanzamentos de precisión, equilibrios, carreiras de velocidade, coordinación dinámica xeral, coordinación óculo-podal e manual... etc. Moitas gracias pola vosa participación e entusiasmo campións!
Festival de Nadal bailarín	Para festexar o final do primeiro trimestre levamos a cabo varias coreografías de temática navideña que os discentes amosaron as súas familias o día do festival de Nadal, o xoves 22 de decembro. Por unha banda, os educandos de 1º e 2º de EP movéronse ao ritmo de Mariah Carey e a súa canción "All I want for Christmas is you" empregando un paraugas durante o baile. Por outra banda, os discentes de 6º decantáronse por coreografiar un anaquiño da película musical de Grease. Moitas gracias polo esforzo e a implicación campións!
Volvemos ao Cross	Un ano mais participamos no Cross organizado polo Plan Proxecta "Xogade". Este festexo deportivo reuníu á meirande parte dos colexios e institutos da comarca convertíndose nun gran evento deportivo escolar. Como docente gustaríame agradecer a participación e o esforzo de todos os alumnos e alumnas do Ceip Cabada Vázquez que quixeron vivir esta experiencia; é un orgullo e satisfacción ver como disfrutades e como compartides estas vivencias dun xeito tan pasional. Mención especial aos 4 clasificados: Hugo, Melania, Mohamed e Fátima sodes o orgullo de todo o colexio e a comunidade educativa... moitos parabéns queridiños/as! Gracias a todos.
Seguimos aprendendo no MUSE	Este curso 2022-2023 seguimos no programa MUSE coa artista Xus, dando continuidade a todo o aprendido o curso pasado e profundizando nos novos coñecementos: respiracións conscientes, meditación, progresión na capacidade pulmonar, as 12 asanas do saúdo ao sol... etc. Velaquí algunhas imaxes que amosan os progresos e as actividades propostas.
Día da Educación Física na rúa	Este curso 22-23 decidimos participar na conmemoración do día da educación física na rúa. O martes 25 saímos á rúa os alumnos de 5º e 6º, co resto de colexios e institutos, da Estrada para festexar este día tan importante na nosa materia. Foi unha xornada na que quixemos dar visibilidade á educación física con distintas propostas lúdico-deportivas como o hockey, rugby, brilé, xogo do paño, lanzamento de frisbee, mariola... foron algunhas das actividades que se levaron a cabo nos distintos espazos públicos do casco urbán. Ademáis de pasalo ben e estar en movemento constante, puidemos compartir espazo e momentoS de xogo con outros colexios, do que disfrutaron moitísimo. Moitas gracias pola vosa particpación e implicación.
O Cros de A Estrada	O mércores 11 de outubro realizamos a primeira saída do curso e foi para acudir ao tan esperado Cros. Como todos os anos fíxose na zona deportiva de A Estrada e acudiu alumnado de 2º a 6º de Educación Primaria da maioría de coles da zona. Fixemos unha gran carreira e con coraxe, valentía e moita ilusión chegamos á meta! Noraboa rapaces!
O Ping Pong chegou a Codeseda	O venres 20 de outubro tivemos outra xornada deportiva no centro. Esta vez para realizar unha sesión de tenis de mesa co Club Tenis de Mesa Top Spin, de A Estrada. O Club facilitounos, semanas atrás, dúas mesas de ping pong, polo que xa puidemos realizar partidos, iniciándonos neste deporte antes desta visita. Nesta xornada, por cursos, realizamos un adestramento moi completo e individualizado, xa que grazas a Rosa e Ramón, técnicos do Club, puidemos aprender a cómo agarrar a pala, cómo golpear de dereita e revés ... Tamén contamos cun robot lanzapelotas polo que aproveitamos a sesión ao máximo. Moitas grazas pola vosa visita, pasámolo xenial!
Coreografía de Samaín 2023-2024	O martes 31 de outubro celebramos no noso cole o Samaín. E qué mellor maneira que facendo obradoiros terroríficos? Tivemos obradoiros de manualidades, de cociña, de decoración de cabazas e de baile. No obradoiro de baile, os nenos e nenas de Ed. Infantil e de 1º e 2º de Primaria realizamos unha coreografía aterradora, onde puidemos traballar a expresión corporal. Versionamos en galego e bailamos a canción de "Bien es halloween", de Luli Pampín. Pasámolo terrorificamente ben!
Chegou o Magosto!	Case sen tempo de recuperarnos do Samaín, celebramos este venres 10 de novembro o Magosto. E se falamos do Magosto, temos que falar de castañas e dos xogos populares. Así mesmo, organizamos todos xuntos unha xornada de xogos tradicionais. Dividímonos en 7 grupos, 2 de Ed. Infantil e 5 de Primaria e fixemos 7 estacións para 7 xogos populares: a chave, a culler, os bolos, a raia, carreira de sacos, o ferrón e a comba. Cada grupo, dispoñia duns 10-15 min para xogar a cada xogo popular; cando se dicía cambio, todos cambiamos para pasar ao seguinte xogo. Traballamos os lanzamentos, a axilidade, os saltos e sobre todo o compañeirismo e a cooperación. Xornada deportiva, xornada divertida! E para rematar e recuperar forzas, comemos as castañaaaas!
Coreos no recreo	Voltamos das vacacións de Nadal con moitas ganas de aprender, de traballar, de falar cos compañeiros/as ... pero tamén de BAILAR! Aproveitamos que agora na aula de Psicomotricidade dispoñemos dunha pantalla dixital para proxectar, os martes e xoves nos recreos, coreografías e bailalas. Esta primeira semana bailamos as cancións de "Limbo" e "Acróstico". Qué nos deparará a próxima semana? A mover o esqueleto!
Multixogo 1º e 2º E.P.	O 7 de marzo realizamos unha xornada de Multixogo con nenas e nenos de 1º e 2º de E.P. doutros coles da zona. Foi unha xornada moi deportiva, no Pavillón Manuel Coto Ferreiro; esta actividade está incluída no Plan de Vida Activa e Deportiva do Centro (PVAD), no apartado de XOGADE. Nesta xornada había 6 zonas ou estacións diferenciadas e por grupos íase rotando cada 20 minutos para realizar todos os xogos: - Zona de habilidades motrices con circuítos. - Zona de lanzamentos e golpeos. - Zona de saltos. - Zona de xogos populares. - Zona de xogo en grupo. - Zona de habilidades con balóns e pelotas. Pasámolo xenial e estamos desexando repetir. O deporte é saude e diversión. Volvemos cansos pero cheos de enerxía e alegría para volver facer moitas máis!
Día da Educación Física na Rúa	Este martes 16 de abril celebramos o Día da EF na Rúa. Baixo o lema de “A Educación Física e saúde mental”, o alumnado de 5º e 6º de Primaria foi á praza do concello para realizar unha sesión de Educación Física alí, co obxectivo de concienciar da importancia do exercicio físico na nosa saúde tanto física como social e mental. A esta celebración acudiron nenos e nenas de distintos coles e institutos da comarca. O noso alumnado estivo durante esta sesión xogando cos rapaces/as do CEIP Manuel Villar Paramá, de Vea. Foi, sen dúbida, unha das mellores sesións de Educación Física que tivemos durante o curso. Pasámolo xenial, coñecemos a compañeiros/as doutros coles e visibilizamos a importancia do deporte no día a día. Todo un éxito!!! Saímos na prensa https://www.farodevigo.es/deza-tabeiros-montes/2024/04/17/gimnasio-pared...
Encontros Multideportivos 3º e 4º de E.P.	O xoves 25 de abril de 2024 tivemos unha xornada de Encontros Multideportivos con alumnado de 3º e 4º de Primaria doutros centros educativos da zona. Esta actividade deportiva está incluída no Plan de Vida Activa e Deportiva de Centro, no apartado de XOGADE. Os nenos e nenas de 3º de Primaria estiveron xogando ao brilé formando equipos de 10 con alumnado de distintos centros. Cada 8 minutos rotábanse os equipos para enfrentarse a outro diferente polo que ao rematar a xornada, case todos os participantes xogaron entre sí. Para 4º de Primaria, como se ven realizando dende fai anos, fixéronse partidos de bádminton. Neste caso os equipos estaban formados por 5 integrantes do mesmo cole, polo que no noso centro fixemos 3 equipos. Cada equipo xogaba de forma individual, un por un, cos integrantes doutro equipo. As partidas eran de 5 minutos polo que cada neno/a xogou varios partidos nesta xornada. Os árbitros dos encontros eran alumnos/as de 6º de Primaria de coles de A Estrada. Ao rematar a xornada regresamos ao cole cun sorriso inmenso polo ben que o pasamos. O deporte é alegría, compañeirismo, ilusión e paixón. Noraboa deportistas!!!
COMEZAMOS O CURSO 2024-2025!!!	Despois dunhas merecidas vacacións, voltamos ao colexio con enorme ilusión. Aínda que os cambios son positivos, hai cousas que non deben cambiar, como é a importancia do exercicio físico no día a día. Dende a área de Educación Físíca seguiranse organizando actividades deportivas dentro do Proxecto de Vida Activa e Deportiva (PVAD) no que continúa o centro. Nos tempos de lecer tamén se organizan actividades deportivas para ter momentos de xogo os cinco días da semana. Os alumnos de 5º e 6º de Primaria continuarán a ser os encargados de levar a cabo a distribución e recollida do material.