CEIP da Barqueira | CEIP DA BARQUEIRA

FELICES FESTAS

Recordamos que o día 8 de Xaneiro retómanse as clases. Ata daquela, felices vacacións! Disfrutádeas!

A nova cara da nosa biblioteca

Na zona de lectura temos un novo recuncho: A "Blablateca". Un espazo de expresión para desenvolver a linguaxe oral.

Encima das revistas e das producións propias temos a "Galería do Trasno", onde podemos disfrutar das mellores instantáneas da nosa mascota.

Na zona de xestión é onde seguiremos facendo os empréstitos e devolución dos fondos.

A biblio de consulta renovada completamente. Moito máis colorida e divertida. Seguimos mantendo a "Zona Tic" co proxector de imaxes, a pizarra dixital, os reprodutores de CD e tres ordenadores máis.

Na zona de consulta nace o recunchiño onde expoñemos os libros relacionados co PDI que estamos a desenvolver. Chamarémoslle "O recuncho PDI"

Outra perspectiva da biblio de consulta.

Caxoto Contacontos

CONTOS PARA ESCOITAR MENTRES BAILAMOS UN VALS.

O 16 de Novembro tivemos a sorte de coñecer a un dos mellores directores de orquestra. Nada máis e nada menos que a Caxoto, o director da orquestra de "Santiago de Compistolas" quen nos deleitou cun fantástico conto musicado no que ademais de relatarnos a historia de Rosa, unha rapariga que andaba na busca do instrumento de música "mellor do mundo" foinos presentando diferentes instrumentos propios da tradición galega (como o birimbao e a gaita). Aquí vos deixamos algunhas imaxes. Pasámolo fenomenal!!!

Samaín e Magosto 2012

Xa chegou o momento de celebrar no cole o Samaín e o Magosto. Como xa publicamos na web durante esta semana o alumnado puido participar nas actividades levadas a cabo na biblioteca do centro e desfrutar do taller de cabazas. Hoxe tocou expoñelas, entregar os premios e degustar o menú terrorífico e as castañas asadas.

De menú temos vómito de meiga, ollos de pantasma ensanguentados, de postre arañas trepadoras e de bebida sangue de zombi. Aquí podedes ver imaxes da celebración.

Estas son as cabazas elaboradas polo alumnado con axuda dos mestres e mestras e a colaboración das familias:

Lecturas de meeeedo.

O noso alumnado xa visitou o exposición de meeeedo e a verdade é que lles encantou.Aquí podedes ver ao alumnado de infantil escoitando a lectura de "Corre, corre, cabaciña". Qué susto!!!