Como todos os anos estamos a celebrar un concurso de postais de Nadal.

O afortunado gañador ou gañadora terá a honra de que a súa postal sexa enviada a todas as familias, pero ademais haberá un ou unha finalista en cada clase... que tal vez leve unha sorpresa!!

Como podedes recordar, o curso pasado os rapaces e rapazas de 4º, 5º e 6º de Educación Primaria, presentaron un proxecto audiovisual ao certame "Imaxina Cantares", convocado pola Secretaria Xeral de Política Lingüística da Xunta de Galicia co gallo da conmemoración do 150º Aniversario da publicación de Cantares Gallegos, de Rosalía de Castro.

Ben, pois resulta que obtiveron unha mención de honra polo traballo realizado e o pasado mércores invitáronnos a Padrón, á Fundación Rosalía de Castro, a recoller o noso agasallo.

Fixemos unha longa viaxe, pero pasámolo xenial e sentímonos moi orgullosos do noso "Has de Cantar", que podedes ver aquí.

O venres veunos visitar de novo Caxoto... a avisarnos de que tiveramos coidado cunha enfermidade moi infecciosa, unha enfermidade que se produce na cabeza das persoas e as convence de que homes e mulleres son diferentes !!

A nós pareceunos IMPOSIBLE porque ESTAMOS SEGUR@S DE QUE TOD@S SOMOS IGUAIS !!

En canto o convencemos de que non necesitábamos ningunha vacina nin medicamento, xa que nas nosas cabezas non había lugar para esa enfermidade, rematou por contarnos uns contos tan divertidos coma sempre !!

Grazas Caxoto, por preocuparte pola nosa saúde !!