ComuniKT

Ola familias, seguimos!
As bitácoras non paran, estamos subindo contidos, cada curso ao seu ritmo. Non vos esquezades de pasar a visitalas.
Resulta entretido visitar tódalas bitácoras e ver o que se fai en cada curso.
Neste trimestre verás moitas cousas relacionadas co coñecemento do noso corpo, xa que estamos a traballar “O Corpo e a identidade” dentro das nosas ABP.
En 3º e 4º xa empezaron tamén con MeteoBarouta. Estade atentas e atentos que en breve haberá novidades sobre isto.

Hoxe contamos coa visita de Susana Sánchez Aríns, que estivo charlando con 5º e 6º sobre as noticias na prensa.

Susana é escritota e mestra, pero o que máis lle gusta é traballar cos titulares da prensa e ver como se recollen as novas.
Xa sabemos que a mesma noticia trátase de diferente maneira segundo no medio que se recolla, e nós como lectoras e lectores temos que ter unha actitude crítica ante o que lemos.

Benqueridas familias.

Convidámosvos a que olledes as bitácoras do colexio. Estamos publicando contidos interesantes e veredes algunhas das cousas que traballamos nos diferentes niveis.

• En Infantil o novo alumnado xa se está adaptando as novas dinámicas e espazos.
• En 1º non todo son matemáticas, tamén celebramos aniversarios.
• En 2º contar cara adiante e cara atrás é sinxelo, mesmo de dous en dous.
• En 3º estamos rexistrando o tempo e traballando a percepción do noso corpo, e como os alimentos inflúen no noso benestar.
• En 4º traballamos coas regletas diferentes aspectos das matemáticas.
• En 5º dividimos e repartimos coas regletas.
• En 6º falamos dunha dinámica que fixemos e amosamos o noso primeiro contacto coas regletas este curso e… queremos máis!

En 5º e 6º, ademáis están desenvolvendo un proxecto relacionado cos seres mitolóxicos galegos. Podedes ver esta información aqui.

 Acceder ás bitácoras.

Visita de estudos do proxecto Erasmus+ "Inc-leisure" ao patio e instalacións do Ceip de Barouta.

Associação Grao Vasco de Viseu- Portugal, OURC Dr Zlatan Sremec, de Skopje-rep. Macedonia do Norte, Asociacion Babilon de Alacant e AMICOS. Para nós foi un pracer ensinar as instalacións e compartir experiencias relacionadas con outros centros.

O alumnado de 3º quere compartir con vós este traballo que fixeron:

O alumnado de terceiro estivemos a traballar as plantas, e fixemos un experimento sobre a capilaridade con diferentes colorantes de cores que lle botamos á auga do apio, pero só funcionou co vermello. Aquí podedes ver unhas fotos do noso experimento.

Redactora: Ángela Traba Santiago