Comezando co proxecto "Un patio cheo de vida" construímos a nosa horta grazas ao concello, a Diputación e a varios mestres que traballamos arreo para pola en funcionamento. Como a horta aínda se rematou ae pouco este curso solo puidemos prantar leitugas pero, temos a case todo o cole ilusionado e participando nesta experiencia.
As fases para a súa elaboración foron moitas: marcamos a parcela, veu a pala a remexar a terra (xa que nunca se traballara nela), botámoslle abono e a remexemos de novo, construcción do valado (concello), marcar os bancais e por fin comezamos a prantar. Agora imos a regar e a ver como cada día van merando as nosas leitugas. E para espantar aos paxaros... Jessi!! a nosa espantallo, cun tutú de cores axúda a que os paxaros non veñan a nosa horta.
E agora na hora do recero moitos nenos e nenas van ata alí e disfrutan deste novo espazo. Aquí vos deixo un vídeo con algunhas das fotos, espero que vos guste!!
O resultado das investigación que levamos feitas sobre o PDIVIVE O CAMIÑO, relacionado co Camiño Portugués pola Costa, deixámolas plasmadas en diversos murais e libros.
Xunto cos outros centros da localidade fixemos esta exposición común.
A semana pasada tivemos unha xornada de Educación Viaria a cargo da Dirección Xeral de Tráfico e da Garda Civil de Tráfico de Porriño.
A primeira das actividades que nos tiñan preparadas, foron unhas charlas moi interesantes, intensas e axeitadas as diferentes idades dos alumnos de primaria, polo do sarxento Daniel Castelo. Nelas foinos explicando e recordando moitas das normas de seguridade e sinais de circulación que temos que coñecer e cumprir tanto cando imos cos nosos pais e avós no coche, cando imos en bici e mesmo cando somos peóns.
O que máis nos chamou a atención, foron algún dos vídeos que nos puxo, porque nos fixeron pensar nalgunhas das cousas que facemos mal por costume ou que non coñecíamos e das consecuencias irreparables que poden ter como cando baixamos do bus, onde por as mochilas e outros materiais para que en caso un choque non nos firan.
Foi unha charla xenial e que nos gustou un montón!
A seguinte das actividades, era un circuíto que nos tiña montado no patio. Os alumnos de 5º e 6º fixemos o percorrido en karst, e o resto de primaria en bici e os de infantil en patinete, triciclo, bici...
Estabamos desexando empezar!
En canto nos chamaron, rapidamente nos puxemos os chalecos, cascos e aos karts… cintos postos e a conducirrr!!
Alí puxemos en practica todo o que nos explicara Dani na charla pero, algún de nós, polos nervios, por non controlar ben os pedais, ou porque o compañeiro de diante freaba de súpeto chocamos. Tamén nos esquecemos dalgún sinal.
Para rematar a xornada, os gardas civís Miguel e Miguel Gil, estaban esperándonos cos seus vehículos de traballo, un coche de tráfico e unha moto.
Explicáronos e deixáronos entrar no coche, ver onde teñen as emisoras e como funcionan, por as luces de emerxencia, as serenas, a megafonía e tamén vimos o maleteiro coas sinais que utilizan cando teñen que ir a un accidente para axudar os accidentados e evitar outros accidentes.
E como remate, subimos a motooooo e.....
Que divertido foi descubrir que teñen megafonía, que solo son para unha persoa porque tamén levan unha emisora e megafonía.
Foi un éxito total!!!!
Solo nos queda dar as grazas a DXT e a Garda Civil de Tráfico por deixarnos ter esta xenial experiencia!!.
Tomás e Ventura, membros da Asociación o Piueiro, achegáronse a nosa aula para explicarnos paso a paso a construción dun compás.
Antes de comezar, amosáronnos un compas moi antigo e cargado de moita historia polas horas de uso que ten.
Puidemos comprobar como estaba feito porque o desmontaron para que entendésemos o que íamos facer.
De seguido, ensináronnos co compás de Tomás o que tiñamos que facer.
Chegou o momento de pornos en acción¡¡¡
Comezamos a construír a caixa para o compás. Primeiro montámola para asegurarnos que todas as pezas encaixaban.
A continuación, a montaxe……pegar, encaixar, suxeitar con goma para que non se movan as pezas mentres seca a cola.
E chegou o momento da parte máis delicada, a preparación do soporte no que irá a rosa dos ventos e os imáns.
Pero antes tivemos que colocar a agulla de latón na caixa de madeira, xa que é o soporte no que colocaremos o capichel xunto coa rosa dos ventos. Tivemos realizar medicións para colocar os imáns e así equilibrar a rosa dos ventos o máximo posible.
Non foi doado conseguir o equilibrio pero, despois de varios intentos, finalmente o logramos¡¡
E para rematar a actividade no día de hoxe, buscamos o Norte coa axuda doutro compás e comprobamos se tiñamos ben a orientación coa brúxula do móbil. así rematamos a parte técnica quedando a parte artística para outra sesión.
Tanto Ventura coma Tomás que son uns mariñeiros moi experimentados, lograron espertar en nós o interese e curiosidade para lograr que esta actividade tan interesante e instrutiva fose un éxito total.
MOITISIMAS GRAZAS POR ESTA EXPERIENCIA TAN MARABILLOSA¡¡¡
Hoxe, convidados polo Concello, no Centro Cultural xunto cos compañeiros de todos os centros da localidade, asistimos a unha charla sobre sexualidad moi interesante.
DE BO ROLLO era o título da charla que foi impartida pola psicóloga, sexóloga e terapeuta Martina González
Díxonos o importante que era a Educación sexual para querernos ben.
Pouco a pouco foinos explicando, con diapositivas e con pequenas maquetas as distintas partes de funcións tanto da vulva como do pene.
O que máis nos gustou foi que nos contestou a cada unha das preguntas que lle fixemos, que por certo, foron moitas e algunha delas moi interesante.
No que vai de curso estivemos lendo varios libros de Ledicia Costas.
Todos eles engancháronos case desde a primeira páxina. Ese mundo tenebroso dos defuntos, do máis alá, a cociña, as receitas, as aventuras, a intriga e o xeito de contárnolo foinos engaiolándonos pouco a pouco.
Fai unhas semanas, soubemos que ía achegarse ao cole para estar connosco e contarnos como escribe e algunha das cousiñas que tanto nos gusta descubrir.
Así que decidimos facerlle un mural para dicirlle canto nos gustan os seus libros.
E llegou o día!
Hoxe, hoxe achegouse á biblioteca do cole, e recibímola como se debe, con moita delicia !
A ela encantoulle!!!!
Xa na biblioteca comezou a charla.
Contounos unha morea de anécdotas sobre os seus libros, que parte dos seus libros veñen das súas vivencias de pequena…
Tamén nos confesou que se divirte escribindo sobre todo o relacionado cos cemiterios,os defuntos, a santa compaña… e nese intre foi cando os nosos compañeros de 6ºA sorprenderona co seu mural, que por certo, encantoulle.
A charla foi moi amena e nela descubrimos algúns dos seus próximos proxectos e vindeiras publicacións.
Como non, tamén nos contestou a cada unha das preguntas que lle fomos facendo.
Deunos algún que outro consello: Ler moito e desfrutar coa lectura.
E mesmo se sentou connosco para inmortalizar esta deliciosa visita!
Como broche final asinou os libros e firmou no libro de visitas.
MOITÍSIMAS GRAZAS LEDICIA, ESCOITARTE FOI UNHA DELICIA!!!!