O Sábado 20 de abril de 2013 os atletas do CEIP A. Insua Bermúdez pertencentes as Escolas Deportivas Lugo-Vilalba de Triatlón do Clube Fluvial participarán na PROBA PROVINCIAL DE DUATLÓN en LUGO .

• Alumnado participante: Alumnado AUTORIZADO E ASEGURADO DE 3º,4, 5º e 6º curso.

• Lugar da proba: Parque do Río Rato, Lugo, 

• Horario do evento:  verificacións e dorsais ás 3:00h e comezo da proba benxamín ás 4:00 da tarde.

• Transporte de Vilalba: ás 02:05h NA GASOLINEIRA GALP, á entrada de Vilalba desde Rábade.Tratade de estar puntuais. Se vades pola vosa conta á Lugo, chegade antes das 3:00h

• Volta a casa: Na gasolinera GALP sobre as 7:30 horas da tarde.

• Material: Importante traer casco e bicicleta de marchas, a bicicleta debe estar en boas condicións, freos e cubertas, en caso de non dispoñer de casco ou bici, o clube pode prestalo sen problema. As bicicletas viaxan no transporte. Para repoñer forzas ao rematar a proba aconséllase levar da casa unha botelliña de auga, un pequeno bocadillo e unha peza de froita, por si acaso, ainda que na proba darán un refrixerio.
• Entrega de Trofeos: por individual e equipos sobre as 6:45h. Servirá para clasificarse para o Campionato Galego de Duatlón o 17 de maio no Carballiño.

Probas por categorías: 

• Benxamíns: (nados 2005 ao 2003[curso 2º,3º e 4º]). Proba: 500m. carreira + 2.000m bici + 250m de carreira.

• Alevíns: (nados 2002 ao 2001. {curso 5º e 6º}). Proba: 1000m carreira + 4.000m bici + 500 m de carreira.

Teléfonos de contacto:  -Adrián, responsable de Clube triatlón: 682 61 28 96.

Recoméndase que os atletas traian xa da casa, baixo o chándal,roupa de deporte óptima para a carreira: pantalóns curtos ou mallas, camiseta curta. (se vai moito frío uns guantes de la para as mans e unha braga de montaña para a gorxa). Unha vez rematada a proba é necesario levar roupa para cambiarse: camiseta, toalliña, calcetíns e outro calzado secos.

Adxuntamos no documento de abaixo os resultados dos atletas participantes na segunda xornada Clasificatoria de Atletismo celebrada no estadio de atletismo Gregorio Pérez Rivera de Lugo o pasado 14 de abril de 2013.

O Domingo disfrutamos dunha nova xornada atlética, ao longo de toda a mañá e a tarde os atletas do noso centro educativo participaron en probas de velocidade, medio fondo e fondo, lanzamentos de pelota, peso e jabalina, marcha atética, salto de lonxitude...

Lémbramos que se clasifican para o Campionato Provincial os 8 primeiros atletas de cada proba (por posto ou por tempo/marca, cando se disputan varias series.

Parabéns a tódolos participantes, cumprimos sobradamente os pronósticos para o noso primeiro ano no atletismo de competición.

Galería de imaxes do evento.

O próximo domingo 14 de abril de 2013, celebrarase nas instalacións do Estadio Gregorio Pérez Rivera da Lugo, a segunda xornada clasificatoria de atletismo en pista.

O CEIP Antonio Insua Bermúdez acudirá ao evento cuns 40 atletas de diferentes categorías e en varias modalidades de saltos, lanzamentos e carreiras.

O transporte, pendente de confirmar sairá da Alameda sobre as 9:30 da mañáe voltaremos sobre as 8:30 da tarde. Deportes invitaranos a comer aos de fora da cidade de Lugo.

Adxuntamos horario modificado das diferentes probas.

Adxuntamos resultados da 1º Xornada de Atletismo en pista 2013 disputada no Estadio Municipal de Lugo : Gregorio Pérez Ribera o pasado domingo 17 de Abril de 2013.

Prema na ligazón para acceder ás imaxes da proba.

NOTA INFORMATIVA PROBA DUATLÓN (VIVEIRO)

O Sábado 9 de Marzo de 2013 o alumnado AUTORIZADO do CEIP A. Insua Bermúdez participará na PROBA CLASIFICATORIA DE DUATLÓN de VIVEIRO (Lugo) .
     Alumnado participante: Alumnado AUTORIZADO E ASEGURADO DE 3º,4, 5º e 6º curso.
     Lugar da proba: Porto de Celeiro , Viveiro (Lugo), comezo da proba ás 4:00 da tarde..
     Saída do Transporte: ás 13:45 NA GASOLINEIRA GALP, á entrada de Vilalba desde Rábade. Tratar de estar 5 minutos antes.
     Volta a casa: Na gasolinera GALP sobre as 7:30 horas da tarde.
     Probas por categorías:  

•  Benxamíns: (nados 2005 ao 2003[curso 2º,3º e 4º]). Proba: 500m. carreira + 2.000m bici + 250m de carreira.

• Alevíns: (nados 2002 ao 2001. {curso 5º e 6º}). Proba: 1000m carreira + 4.000m bici + 500 m de carreira.

     Para repoñer forzas ao rematar a proba aconséllase levar da casa unha botelliña de auga, un pequeno bocadillo e unha peza de froita, por si acaso, ainda que na proba darán un refrixerio.
     Material: Importante traer casco e bicicleta, se pode ser de marchas mellor, a bicicleta debe estar en boas condicións, freos e cubertas…), en caso de non dispoñer de casco ou bici, o clube pode prestalo sen problema. As bicicletas viaxan no transporte.
     Teléfonos de contacto:  -Adrián, responsable de Clube triatlón: 682 61 28 96.

   IMPORTANTE CHUVIA E FRIO: Recoméndase que os atletas traian xa da casa, baixo o chándal,roupa de deporte óptima para a carreira: pantalóns curtos ou mallas, camiseta curta. (se vai moito frío uns guantes de la para as mans e unha braga de montaña para a gorxa). Unha vez rematada a proba é necesario levar roupa para cambiarse: camiseta, toalliña, calcetíns e outro calzado secos.

Prema nas imaxes para ver o albúm de fotos do evento deportivo

En breve comezará a tempada escolar de Atletismo escolar en Pista. O noso centro presentarase a este evento por primeria vez para tomar contacto co Atletismo en pista.

CATEGORÍAS:

• Benxamíns: (cursos 2º e 3º), persoas nadas nos anos 2004 e 2005.
• Alevíns: ( cursos 4º e 5º), persoas nadas nos anos 2003 e 2002.
• Infantín: ( cursos 6º e 1º de ESO), persoas nadas nos anos 2001 e 2000.

PROBAS DE ATLETISMO EN PISTA

Xuntamos o cadro das probas por categorías e sexos.

MATERIAL NECESARIO

• Equipación deportiva do centro: chándal, camiseta e mallas.
• As Zapatillas de clavos sempre dan mellor rendemento, córrese máis e  sáltase máis lonxe na pista que coas tradicionais,no Decathlón pódense atopar zapatillas de clavos desde 34 euros, se non se pode ou non se quere chega cunhas zapatillas normais.

DATAS E LUGAR DE CELEBRACIÓN DAS PROBAS

• Lugo: Pistas do novo estadio de Atletismo Gregorio Pérez Rivera.
• Domingos no mes de marzo, durante todo o día, dende as 10:00 ata as 7:30 da tarde. Concretaranse as datas.

Comeza a tempada de Duatlón e a Federación Galega de Triatlón asi como as escolas de Lugo e Vilalba invitan ao alumnado do noso centro a participar nestas competicións de Duatlón escolar.

AS CATEGORÍAS:

• Benxamins ( cursos 2º, 3º e 4º): persoas que naceron do 2003 ao 2005.

• Alevíns (cursos 5º e 6º): persoas que naceron  no 2002 e o 2001.

AS DISTANCIAS A PERCORRER:

LUGARES E DATAS DAS PROBAS

• 9 de Marzo pola tarde Clasificatorio de VIVEIRO.
• 6 de Abril pola tarde Clasificatorio de VILALBA.
• 20 de Abril pola tarde Campionato Provincial de Lugo.
• Campionato galego aínda por determinar lugar, data e horario.

MATERIAL NECESARIO

• Zapatillas para correr.
• Bicicleta, se pode ser con marchas e de carreiras mellor, se non unha de montaña ou de paseo, revisada, con freos funcionando ben e cubertas sanas con goma.
• Casco

Mañá 23 de febreiro de 2013 celebrarase nas instalacións polideportivas da Magdalena a Proba Galega de Acuatlón 2013.

Nas instalacións da Piscina da Magdalena daranse cita os mellores atletas da comunidade nesta disciplina deportiva. O noso centro acude representado por varios alumnos de diferentes categorías pertencentes ao clube de triatlón de Vilalba, sección do Clube Fluvial de Lugo.

A proba de Acuatlón para os máis pequenos será de 50 metros libres a nado e 500 m. de carreira pedestre. Animamos a tódolos que queiran animar e coñecer esta disciplina deportiva que se acheguen a piscina a partires das 10:00 horas.

O Sábado 23 de Febreiro de 2013 celebrase o Campionato galego escolar de Campo a Través nas instalacións do Balneario de Guitiriz.

O CEIP Antonio Insua Bermúdez asiste co equipo Alevín masculino composto por Lucas, Pedro e Victor, Lois, Iker e Rubén. Tomarán o autocar que ven de Viveiro as 10:00h diante do colexio Antonio Insua Bermúdez de Vilalba.

Nas categorías alevín e infantil cada equipo estará formado por un máximo de 6 corredoras/es e un mínimo de 4 , dos que puntuarán as/os 4 mellor clasificadas/os.

Tódolos participantes deben portar a camiseta do seu clube ou centro.

Achegamos Horario das probas e plano do circuíto.

Nova na prensa " El Progreso".

Ao rematar a proba poñeremos a vosa disposición a reportaxe fotográfica do evento.

O Domingo 3 de febreiro de 2013 celebrouse nas instalacións do estadio vilalbés da Magdalena o Campionato provincial de Campo a Través.

O noso centro, CEIP Antonio Insua Bermúdez participou varios equipos nas categorías Benxamin, Alevín e Infantil.

O tempo atmosférico proporcionounos unha mañá agradable e as sensación finais foron moi positivas, das seis probas nas que participamos conseguimos podium en tres  delas, parabéns a tódolas persoas participantes, aos que gañaron e aos que participaron.

Para o campionato Galego de Campo a Través que se celebrará o 23 de febreiro no Balneario de Guitiriz quedaron clasificados o equipos A Alevin masculino formado por: Rares, Lois Xosé, Iker, Victor, Pedro e Rubén.

Para o ano que ben quedades todos convidados a volver participar.

Deixamosvos o plano do circuíto e a Nota Informativa asi como un enlace para ver imaxes da proba e dos podiums.

Preme na cámara de fotos para acceder ao album de fotografías do evento.