QUE HAI DE NOVO!

Xa falta pouco para que se inicien as clases, e todo o persoal do centro está traballando estos días para que todo esté preparado para o Venres 10 de Setembro, día no cal todo o alumnado do centro iniciará as súas actividades lectivas.

Neste espazo publicaremos , ao igual que no curso pasado, tódalas novidades,noticias, informacións, etc... relevantes do noso centro.

O horario de atención ao público da Secretaría do día 1 ao 9 de Setembro, será das 12 ás 13 horas.

Un saúdo e ata moi pronto.

O vindeiro Martes 7 de Setembro  ás 11 da mañá,terá lugar na sala de usos múltiples do colexio, unha reunión coas familias dos alumnos/as de Educación Infantil de 3 anos, na cal, estarán presentes a titora dos alumos/as e membros do equipo directivo do centro.

Un saúdo

INFORMACIÓN SOBRE AXUDAS PARA ADQUISICIÓN DE LIBROS DE TEXTO QUE CAMBIEN DE IDIOMA DE ACORDO  CO DECRETO 79/2010, DO 20 DE MAIO, PARA O PLURILINGÜISMO

 Aos pais con fillos/as  matriculados en  3º e 4º de  Educación Primaria nun centro sostido con fondos públicos da Comunidade Autónoma de Galicia, durante o curso escolar 2010/2011 que teñan unha renda per cápita familiar igual ou inferior a 9.000 euros 

COMO SE CONSEGUE A BOLSA DE AXUDA?  

Presentando a documentación completa e o impreso de solicitude no  centro escolar onde estea matriculado o neno/a desde o 1 ao 30 de setembro de 2010

QUE DOCUMENTACIÓN TEÑO QUE PRESENTAR? 

1.Impreso de solicitude cumprimentado por duplicado, polo que se un solicitante ten varios fillos matriculados nas ensinanzas e cursos obxecto da convocatoria, xa sexa no mesmo ou en distinto centro, deberá presentar unha solicitude por cada un deles. Podérase recoller no centro escolar, nas sedes da xunta ou descargar no enderezo electrónico http://www.edu.xunta.es, (punto de gratuidade solidaria- Plurilingüismo). 

2.Fotocopia do libro de familia no cal figuren todos os membros da unidade familiar.

Só no caso de non ter libro de familia ou se a situación familiar, o día 31 de decembro de 2008, non coincide coa reflectida no libro, terá que presentarse documento ou documentos que acrediten os membros da unidade familiar, tales como:

-     Orixinal ou copia compulsada da sentenza xudicial de separación ou divorcio e/ou o convenio regulador onde conste a custodia do menor. 

-      Orixinal ou copia compulsada do certificado de empadroamento da unidade familiar.

-      Orixinal ou copia compulsada de certificado ou informe dos servizos sociais ou órgano equivalente do concello de residencia, que acredite a situación familiar.

No caso de discapacidade do/a alumno/a, do solicitante ou dalgún dos membros da unidade familiar

incluídos na solicitude deberá acompañarse copia compulsada de un dos seguintes documentos que acrediten esta circunstancia o 31 de decembro de 2008:

-     Certificado emitido polo órgano competente do grao de minusvalidez cunha porcentaxe igual ou superior ao 33%,

-     Resolución ou certificado emitido pola Seguridade Social de pensión de incapacidade permanente nos graos de total, absoluta ou gran invalidez, ou

-       Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade. 

                          CANDO E COMO ME INGRESAN O IMPORTE DA AXUDA? 

As familias recibirán un vale para presentar directamente nas librerías que prefiran, co que poderán adquirir os libros no correspondente establecemento e polo importe máximo que figura no vale.  

                           CALES SON OS IMPORTES DAS BOLSAS DE AXUDA?

a)     Familias monoparentais:

       -     Renda per cápita familiar ata 6.000,00 €:  25 € por libro.

-    Renda per cápita familiar desde 6.000,01 ata 9.000,00 €: 15 € por libro.

b)    Resto das familias:

  -   Renda per cápita familiar ata 5.400,00 €: 25 € por libro.

         -   Renda per cápita familiar desde 5.400,01 € ata 9.000,00 €: 15 € por libro 

CAL É O IMPORTE DA MIÑA AXUDA?

  Para calcular quen ten dereito ás bolsas, agregaranse as rendas de cada un dos membros da familia que obteñan ingresos, tendo en conta o exercicio fiscal de 2008, dividindo a renda entre o número de membros computables da unidade familiar (pai, nai alumno e irmáns). A estes efectos, computarán por dous os membros da unidade familiar cunha discapacidade igual ou superior ao 33%. Sumarán os recadros 455 e 465 da declaración.

                                                                       A dirección

¡¡¡BENVIDOS A TODOS/AS!!!!

Xa estamos aquí de novo. Mañá iniciamos as clases do novo curso, o cal, se presenta cheo de novidades. Novos alumnos/as,novos pais, novos profes, e sobre todo,unha  gran novidade, posto que, por primeira vez na historia do noso cole, o horario lectivo será en sesión única de mañá.

Polo tanto recordade que mañá hai que erguerse máis cedo, xa que, as clases comenzan as 9.05 da mañá e rematan ás 14.05 horas.

Este horario vai a ser o que teremos durante todo o curso,polo tanto, haberá que ir adaptándose pouco a pouco a este e a outros cambios que xa vos contaremos mañá.

¡¡¡¡Felices soños a todos/as!!!!

As solicitudes deberán presentarse preferentemente no Rexistro do Pazo da Cultura dende o 20 de Setembro ao 6 de Outubro.

Contémplanse   os seguintes tipos de axudas:

• 130 bolsas de 95 euros para alumnos/as que cursen  estudos de Educación Infantil.
• 2000 euros para distribuir en bolsas de transporte.

Poden recoller o impreso na Secretaría do centro no horario de  atención ao público ou na Conserxería.