No noso centro celebramos o ARDE LUCUS e contamos coa colaboración desinteresada de compoñentes da Garda Pretoriana. Gracias pola colaboración.

Acabamos de recibir no centro dúas mesas adaptadas para o noso alumnado elaboradas polo IES de Melide e o  CIFP Politécnico de Lugo. Estas mesas son o froito da colaboracion con estes centros e un proxecto de innovación educativa.

Gracias pola oportunidade que nos ofreceron estes dous centros e gracias tamén a todas as persoas que traballaron neste proxecto.

Esta noticia aparece no Progreso e pódese ver neste enlace

Xa está disponible o calendario escolar para o curso 2022-2023 

As clases comezan en todas as ensinanzas impartidas no centro o día 8 de setembro e rematan o 21 de xuño de 2023.

VACACIÓNS

Os períodos de vacacións escolares no curso académico 2022/23 serán os seguintes:

– Nadal: desde o día 23 de decembro de 2022 ata o día 6 de xaneiro de 2023, ambos inclusive.

– Entroido: os días 20, 21 e 22 de febreiro de 2023.

– Semana Santa: desde o día 3 ata o día 10 de abril de 2023, ambos inclusive.

- Día do ensino. 31 de outubro.

ENLACE AO DOG 

A Consellería de Cultura, Educación e Universidade convoca o 1º Campionato Galego de Formación Profesional Básica, FPBásicaSkills Galicia 2022, destinado a alumnado de FP Básica e de Programas Formativos.

Organizado pola Secretaría Xeral de Educación e Formación Profesional, FPBásicaSkills Galicia 2022 ten como obxectivo darlle unha maior proxección e difusión aos ciclos de formación profesional básica e programas formativos que se imparten en Galicia.

Este é un campionato eminentemente práctico, que consistirá no desenvolvemento de competicións relacionadas coas especialidades de formación profesional básica e programas formativos, nas que o alumnado participante medirá as súas destrezas e demostrará as súas capacidades na realización das correspondentes probas.

Varios dos nosos alumnos do programa formativo de xardinería e viveirismo participan neste evento.

http://www.edu.xunta.gal/fp/fpbasicaskills-competicions-2022

Sorte a todos e todas.

Abriuse o prazo de solicitude de becas para alumnado con NEE para o curso 2022-2023.

PRAZO DE SOLICITUDE: 19-05-2022 ATA 30-09-2022

TODA A INFORMACIÓN NESTE ENLACE

 Xa poden contactar  co centro no 982829220 e solicitar  cita co noso orientador que os asesorará e axudarará neste trámite.

AXUDAS PARA ADQUISICIÓN DE LIBROS DE TEXTO. AXUDAS PARA ADQUISICIÓN DE MATERIAL ESCOLAR. CURSO 2022/23

Normativa: Orde do 29 de maio de 2022 (DOG 18/05/2022

Prazo de presentación de solicitudes: 19 de maio ao 22 de xuño (ambos incluídos)

Lugar de presentación: Na secretaría do centro ou por vía electrónica empregando os formularios normalizados dispoñibles na aplicación Fondolibros (https://www.edu.xunta.es/fondolibros) a través da sede electrónica da Xunta de Galica (https://sede.xunta.gal)

Orde que regula a convocatoria

Extracto da Orde

Documentación a  presentar:

- Anexo I e Anexo II.

-Libro de familia.

- Certificado de discapacidade expedido por órgano que non sexa da Xunta de Galicia.

Farase consulta automática dos seguintes datos:

-DNI ou NIE, renda, percepción de pensión por incapacidade total, absoluta ou grande invalidez e grao de discapacidade recoñecido pola Xunta de Galicia.

Se non se autoriza o acceso a estes datos terán que presentar a documentación.

Familias con máis dun fillo no centro presentarán unha única solicitude salvo que o fagan de forma telemática.

ANEXO I

ANEXO II

SEDE ELECTRONICA XUNTA

APLICACION FONDO LIBROS

O centro axudará a todas a familias a realizar este trámite, como estes cursos pasados.

Poden chamar ao 982829220 e alí dirémoslles día para acudir.

Non retrasen este trámite xa que o centro ten que informatizar e validar todas as peticións.

Gracias pola colaboración.

O director

Estimadas familias:

Aquí poden consultar información que pode ser de interés sobre a convocatoria de campamentos de verán 2022. Poden ver a información no seguinte enlace.

https://politicasocial.xunta.gal/gl/recursos/plans-e-programas/campamentos-de-veran-especificos-para-persoas-con-discapacidade-2022