Resolución do 22 de agosto de 2024, coas listaxes coas puntuacións provisionais das persoas admitidas e excluídas nas prazas de residencia dos Centros Residenciais Docentes da Coruña, Ourense e Vigo para o curso 2024/25

Resolución do 22 de agosto de 2024 da Dirección Xeral de Centros e Recursos Humanos, pola que se publican as listaxes coas puntuacións provisionais de todas as persoas solicitantes admitidas, indicando a puntuación desagregada (rendemento académico e criterios socioeconómicos) e a puntuación total por orde descendente; a relación provisional de persoas excluídas, indicando a causa de exclusión, de acordo co previsto no artigo 32 da Orde do 20 de maio de 2024 pola que se convocan prazas de residencia nos Centros Residenciais Docentes da Coruña, Ourense e Vigo para o curso 2024/25 (DOG núm. 119, do 20 de xuño).

As persoas solicitantes poderán formular reclamación ante a comisión de valoración no prazo de cinco (5) días hábiles contados a partir do día seguinte ao da publicación da presente resolución na páxina web da Consellería de Educación, Ciencia, Universidades e Formación Profesional.

• Prazo para presentar reclamación: 5 días hábiles (entre os días 23 e 29 de agosto de 2024, ambos incluídos), que deberán dirixirse ao respectivo centro residencial docente.