L2201019 - Curso de tratamento do TDAH desde o ámbito educativo

Actividade de 25 horas, con fase presencial (16 horas) e en rede (9 horas). As sesións presenciais desenvolveranse en xoves durante e febreiro e marzo.
Mar, 10/01/2023 - 10:53
tdah

A actividade L2201019 - Curso de tratamento do TDAH desde o ámbito educativo, en colaboración coa Fundación INGADA, xurde de coñecementos e fundamentación actualizada coa intención de dar resposta ás competencias requeridas aos docentes garantindo os pilares da educación inclusiva no alumnado que require necesidades, condicións, estilos e dificultades distintas para adaptarse ao seu entorno académico, familiar e social.

Así mesmo preténdese a súa comprensión e a capacitación para o deseño de estratexias e intervencións que contribúan de maneira máis efectiva nas dificultades de aprendizaxe que requiren un seguimento e diagnóstico máis complexo, abordadas en catro módulos, como son:

MÓDULO I

  • Aspectos clínicos do TDAH.

  • Prevención de accidentes.

MÓDULO II

  • Detección na aula do alumnado con TDAH.

  • Medidas de atención á diversidade.

  • Adaptacións pedagóxicas.

MÓDULO III

  • TDAH e dificultades específicas da aprendizaxe.

  • Protocolo de consenso.

MÓDULO IV

  • Motivación no TDAH.

  • Familia e TDAH.

  • Manexo condutual.

As sesións presenciais (16 horas) desenvolveranse os xoves 9, 16, 23 de febreiro e 2 de marzo en horario de 17:00 horas a 21:00 horas a cargo de María Cristina Casal Pena, Marta Fariña, Octavio Susacasa Nodal e Ana Fátima Gómez Suárez no salón de actos do CFR de Lugo. Desde o 3 de marzo ata o 3 de abril desenvolverase a fase en rede (9 horas) para a entrega do proxecto/proposta didáctica, segundo o guión entregado. Bule e non quedes sen a túa praza! A inscrición, a realizar en Fprofe, remata nuns poucos días.

Menús CAFI node R

 
IMPRIMIRRECOMENDAR

Sección