Título node Learning object

O Ministerio de Educación e Formación Profesional acaba de publicar "Radiografía de la brecha de género en la formación STEAM. Un estudio en detalle de la trayectoria educativa de niñas y mujeres en España". As autoras da publicación son Montserrat Grañeras Pastrana; Mª Elena Moreno Sánchez e Noelia Isidoro Calle.

Segundo se sinala na ficha técnica, este informe da Alianza STEAM é o primeiro volume da colección Nenas en pé de Ciencia, unha mirada atenta sobre a brecha de xénero na formación STEAM en España. Os datos debuxan tanto a situación actual como a evolución e apuntan as tendencias do futuro. O resultado é unha radiografía minuciosa da traxectoria educativa que seguen as nenas e mulleres desde o momento en que poden elixir un itinerario de estudo, ata que acceden á formación profesional ou á universidade. Coa elaboración deste estudo, o Ministerio de Educación e Formación Profesional quere animar a outras administracións, empresas, entidades, asociacións e interlocutores sociais a seguir investigando nesta liña, a incorporar novas metodoloxías e enfoques. Ademais, búscase proporcionar datos valiosos que acheguen información de calidade a quen participa nesta tarefa colectiva de impulsar o talento feminino.

Pódese descargar a publicación na seguinte ligazón.