Título node Learning object

Descrición

Creada en 2011 da man da pianista rusa afincada en Santiago de Compostela Ilona Timchenko, a asociación Peregrinos Musicais ten como obxectivo a promoción dos novos artistas galegos. Desta forma nace o Festival Internacional Peregrinos Musicais, co fin de realizar actividades conxuntas e de intercambio cos músicos máis importantes e de prestixio internacional, e os cursos de verán. Ademais, realiza actividades de promoción dos/as intérpretes galegos/as e afincados/as en Galicia.

VII edición 2017

Os/as candidatos/as que desexen participar na VII edición do Festival Peregrinos Musicais xa poden inscribirse na probas de preselección, que se celebrarán durante a primeira quincena do próximo mes de maio.

A selección dos/as participantes farase na primeira quincena de maio a través de probas presenciais no Auditorio de Galicia e ante a comisión artística do festival. Os concertos do festival terán lugar na primeira quincena de xullo e pecharanse cun concerto de clausura no que participarán os músicos seleccionados xunto coa Real Filharmonía de Galicia.