Título node Learning object

A Fundación de Axuda contra a Drogadicción” (FAD), a Comisión Nacional Española de Cooperación coa UNESCO, Organización das Nacións Unidas para a Educación, a Ciencia e a Cultura, e BBVA convocaron a novena edición do Premio á “Acción Magistral”, co fin de resaltar a importancia do labor educativo que exerce o profesorado.
Rematada a fase de selección estatal, seleccionáronse 16 proxectos educativos dos 62 que superaron a fase autonómica anterior. De entre estes 16 proxectos sairán os que finalmente acadarán os premios.

Resaltar que dous destes proxectos pertencen a centros galegos, que son:
Categoría A (Educación infantil/Primaria):

• “San Xoán de película. Unha escola inclusiva a través do cine” do CEIP San Xoán de Filgueira (Ferrol)

Categoría B (Educación Secundaria/Bacharelato):

• “O Eslabón. Un musical para o IES de Ames” do IES de Ames (A Coruña)