MSAN02

MSAN02 - Farmacia e parafarmacia

Ciclo formativo

Familia: Sanidade

Sistema educativo: LOE

Grao: medio

Horas: 2000

Código: MSAN02

Documentación:

Volver á relación de ciclos formativos

Que se aprende a facer?
Asistir na dispensación e na elaboración de produtos farmacéuticos e afíns, e realizar a venda de produtos parafarmacéuticos, fomentando a promoción da saúde e executando tarefas administrativas e de control de almacén, conforme as especificacións de calidade, seguridade e protección ambiental.

En que ámbitos se traballa?
En establecementos de venda de produtos farmacéuticos, parafarmacéuticos e, en xeral, produtos relacionados coa saúde humana ou animal, así como coa cosmética, a fitoterapia e outros. Do mesmo xeito, pode exercer a súa actividade en pequenos laboratorios de elaboración de produtos farmacéuticos e afíns.

Que ocupacións se desempeñan?
Técnico/a en farmacia. Técnico/a auxiliar de farmacia. Técnico/a de almacén de medicamentos. Técnico/a en farmacia hospitalaria. Técnico/a en establecementos de parafarmacia.

Cales son os módulos?

Curso	Código	Módulo profesional	Horas	Períodos semanais
1º	MP0061	Anatomofisioloxía e patoloxía básicas	107	4
1º	MP0101	Dispensación de produtos farmacéuticos	213	8
1º	MP0099	Disposición e venda de produtos	107	4
1º	MP0106	Formación e orientación laboral	107	4
1º	MP0104	Formulación maxistral	187	7
1º	MP0103	Operacións básicas de laboratorio	239	9
2º	MP0102	Dispensación de produtos parafarmacéuticos	210	12
2º	MP0107	Empresa e iniciativa emprendedora	53	3
2º	MP0108	Formación en centros de traballo	410
2º	MP0100	Oficina de farmacia	157	9
2º	MP0020	Primeiros auxilios	53	3
2º	MP0105	Promoción da saúde	157	9

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico en Farmacia e parafarmacia.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de MSAN02 - Farmacia e parafarmacia en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de MSAN02 - Farmacia e parafarmacia, en centros sostidos con fondos públicos, para o curso académico 2023-2024.

Réxime de persoas adultas na modalidade presencial

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.

Réxime de persoas adultas na modalidade semipresencial e a distancia

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia