SSAN06
SSAN06 - Anatomía patolóxica e citodiagnóstico
Que se aprende a facer?
Procesar mostras histolóxicas e citolóxicas, seleccionar e facer a aproximación diagnóstica de citoloxías xinecolóxicas e xerais, e colaborar na realización de necropsias clínicas e forenses, de maneira que sirvan como soporte ao diagnóstico clínico ou médico-legal, organizando e programando o traballo, e cumprindo criterios de calidade do servizo e de optimización de recursos, baixo a supervisión facultativa correspondente.
En que ámbitos se traballa?
No sector sanitario, en organismos e institucións do ámbito público e en empresas privadas, en atención tanto primaria como especializada, así como en centros de investigación. Ademais, realizan o seu traballo baixo a supervisión do/da facultativo/a correspondente.
Que ocupacións se desempeñan?
Técnico/a superior en anatomía patolóxica e citoloxía. Técnico/a especialista en anatomía patolóxica e citoloxía. Citotécnico. Axudante de forense. Prosector/ora de autopsias clínicas e médico-legais. Tanatopractor/a. Colaborador/ora e asistente en bioloxía molecular. Colaborador/ora e asistente de investigación.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP1369 | Bioloxía molecular e citoxenética | 187 | 7 | |
| 1º | MP1370 | Fisiopatoloxía xeral | 213 | 8 | |
| 1º | MP1384 | Formación e orientación laboral | 107 | 4 | |
| 1º | MP1368 | Técnicas xerais de laboratorio | 240 | 9 | |
| 1º | MP1367 | Xestión de mostras biolóxicas | 213 | 8 | |
| 2º | MP1382 | Citoloxía xeral | 157 | 9 | |
| 2º | MP1381 | Citoloxía xinecolóxica | 157 | 9 | |
| 2º | MP1385 | Empresa e iniciativa emprendedora | 53 | 3 | |
| 2º | MP1386 | Formación en centros de traballo | 384 | ||
| 2º | MP1379 | Necropsias | 70 | 4 | |
| 2º | MP1380 | Procesamento citolóxico e tisular | 193 | 11 | |
| 2º | MP1383 | Proxecto de anatomía patolóxica e citodiagnóstico | 26 |
Réxime de persoas adultas na modalidade presencial
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
