ssan01

SSAN01 - Audioloxía protésica

Ciclo formativo

Familia: Sanidade

Sistema educativo: LOE

Grao: superior

Horas: 2000

Código: SSAN01

Documentación:

Volver á relación de ciclos formativos

Que se aprende a facer?
Seleccionar e adaptar próteses auditivas realizando a avaliación audiolóxica, o seguimento da persoa usuaria e o mantemento de próteses, así como determinar medidas de protección acústica a partir da avaliación dos niveis sonoros.

En que ámbitos se traballa?
No sector sanitario público e privado, en empresas privadas do sector, en gabinetes audioprotésicos e en prevención de efectos de ruído ambiental.

Que ocupacións se desempeñan?
Técnico/a superior en audioprótese. Técnico/a especialista audioprotesista. Técnico/a en elaboración de moldes e protectores auditivos. Técnico/a en medición de nivel sonoro. Audiometrista.

Cales son os módulos?

Curso	Código	Módulo profesional	Horas	Períodos semanais
1º	MP0201	Acústica e elementos de protección sonora	187	7
1º	MP0204	Atención á persoa hipoacúsica	107	4
1º	MP0199	Características anatomosensoriais auditivas	292	11
1º	MP0207	Formación e orientación laboral	107	4
1º	MP0200	Tecnoloxía electrónica en audioprótese	267	10
2º	MP0205	Audición e comunicación verbal	53	3
2º	MP0202	Elaboración de moldes e protectores auditivos	262	15
2º	MP0203	Elección e adaptación de próteses auditivas	262	15
2º	MP0208	Empresa e iniciativa emprendedora	53	3
2º	MP0209	Formación en centros de traballo	384
2º	MP0206	Proxecto de audioloxía protésica	26

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico superior en Audioloxía protésica.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de SSAN01 - Audioloxía protésica en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SSAN01 - Audioloxía protésica, en centros sostidos con fondos públicos, para o curso académico 2023-2024.

Réxime de persoas adultas na modalidade presencial

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.

Modalidade de formación profesional dual

Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.

A Coruña
Concello	Código	Centro educativo	Teléfono
Coruña, A	15022607	CIFP Ánxel Casal - Monte Alto	881960122

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia