Que se aprende a facer?
Xestionar e participar nas operacións de fabricación, acondicionamento e almacenamento de produtos farmacéuticos, biotecnolóxicos e afíns, organizando o funcionamento, a posta en marcha e a parada das instalacións e dos equipamentos, segundo os procedementos normalizados de traballo e cumprindo as normas de seguridade, de prevención de riscos e de protección ambiental.

En que ámbitos se traballa?
En empresas farmacéuticas, biotecnolóxicas e afíns de carácter público o privado, onde desenvolverán o seu labor nas áreas de produción ou acondicionamento de medicamentos e produtos sanitarios, cosméticos e determinados produtos alimentarios, formas farmacéuticas e afíns, tales como cosméticos, perfumes, produtos dietéticos, de herboristaría ou alimentos especiais, e de drogaría. Así mesmo, poden traballar na obtención de produtos biotecnolóxicos, tanto en sectores que teñan como principal actividade a utilización de organismos vivos ou os seus compoñentes, como naqueles que, malia ser a súa actividade principal, poidan innovar con técnicas de produción biotecnolóxicas sobre algúns produtos e procesos.

Que ocupacións se desempeñan?
Encargado/a de persoal operador de máquinas para fabricar e acondicionar produtos químicos. Supervisor/or de área de producción. Supervisor/ora de área de acondicionamento. Supervisor/ora de área de planificación. Coordinador/ora de área. Xefe/a de equipo de reactor/biorreactor. Técnico/a de control. Coordinador/ora de almacén. Encargado/a de fabricación. Xefa de equipo de procesos de extracción e purificación de produtos biotecno-lóxicos. Xefa de equipo de sala branca en biotecnología. Supervisor/ora de área de procesos e servizo biotecnolóxico. Supervisor/ora de seguridade en procesos biotecnolóxicos.

Cales son os módulos?