SIMS03

SIMS03 - Animacións 3D, xogos e contornos interactivos

Ciclo formativo

Familia: Imaxe e son

Sistema educativo: LOE

Grao: superior

Horas: 2000

Código: SIMS03

Documentación:

Volver á relación de ciclos formativos

Que se aprende a facer?
Xerar animacións 2D e 3D para producións audiovisuais e desenvolver produtos audiovisuais multimedia interactivos, integrando os elementos e as fontes que interveñen na súa creación, tendo en conta as súas relacións, as dependencias e os criterios de interactividade, a partir de parámetros previamente definidos.

En que ámbitos se traballa?
Sector da produción audiovisual (cine, televisión e vídeo), da animación 2D e 3D, de multimedia interactiva e non interactiva, así como en publicidade e empresas relacionadas con internet e os novos medios.

Que ocupacións se desempeñan?
Animador/ora 3D; animador/ora 2D; intercalador/ora; modelador/ora 3D; grafista dixital;xerador/ora de espazos virtuais; técnico/a de efectos especiais 3D; integrador/ora multimedia audiovisual; desenvolvedor/ora de aplicacións e produtos audiovisuais multimedia; editor/ora de contidos audiovisuais multimedia interactivos e non interactivos;técnico/a en sistemas e realización en multimedia.

Cales son os módulos?

Curso	Código	Módulo profesional	Horas	Períodos semanais
1º	MP1087	Animación de elementos 2D e 3D	292	11
1º	MP1086	Deseño, debuxo e modelaxe para animación	267	10
1º	MP1094	Formación e orientación laboral	107	4
1º	MP1085	Proxectos de animación audiovisual 2D e 3D	107	4
1º	MP1090	Realización de proxectos multimedia interactivos	187	7
2º	MP1088	Cor, iluminación e acabamentos 2D e 3D	227	13
2º	MP1091	Desenvolvemento de contornos interactivos multidispositivo	123	7
2º	MP1095	Empresa e iniciativa emprendedora	53	3
2º	MP1092	Formación en centros de traballo	384
2º	MP1093	Proxecto de animacións 3D, xogos e contornos interactivos	26
2º	MP1089	Proxectos de xogos e contornos interactivos	87	5
2º	MP0907	Realización da montaxe e posprodución de audiovisuais	140	8

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico superior en Animacións 3D, xogos e contornos interactivos.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de SIMS03 - Animacións 3D, xogos e contornos interactivos en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SIMS03 - Animacións 3D, xogos e contornos interactivos, en centros sostidos con fondos públicos, para o curso académico 2023-2024.

Réxime de persoas adultas na modalidade presencial

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.

Réxime de persoas adultas na modalidade semipresencial e a distancia

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia