SIMS01

SIMS01 - Produción de audiovisuais e espectáculos

Ciclo formativo

Familia: Imaxe e son

Sistema educativo: LOE

Grao: superior

Horas: 2000

Código: SIMS01

Documentación:

Volver á relación de ciclos formativos

Que se aprende a facer?
Planificar, organizar, supervisar e xestionar os recursos económicos, materiais, técnicos e humanos para a produción de audiovisuais, espectáculos e eventos, asegurando o cumprimento dos plans ou obxectivos da produción, no tempo e nas condicións de custo e calidade establecidas.

En que ámbitos se traballa?
Sector da produción de calquera tipo de programas audiovisuais (cine, vídeo, multimedia, televisión, radio e novos medios), así como produción de espectáculos (artes escénicas, producións musicais e eventos).

Que ocupacións se desempeñan?
Axudante de produción de cine; axudante de produción de vídeo; axudante de produción de televisión; axudante de produción de animación; axudante de produción de multimedia; axudante de produción de radio; xefe/a de produción de espectáculos en vivo e eventos;axudante de produción de espectáculos en vivo e eventos; xerente de compañía.

Cales son os módulos?

Curso	Código	Módulo profesional	Horas	Períodos semanais
1º	MP0923	Formación e orientación laboral	107	4
1º	MP0910	Medios técnicos audiovisuais e escénicos	187	7
1º	MP0915	Planificación de proxectos audiovisuais	266	10
1º	MP0918	Planificación de proxectos de espectáculos e eventos	213	8
1º	MP0920	Recursos expresivos audiovisuais e escénicos	187	7
2º	MP0921	Administración e promoción de audiovisuais e espectáculos	175	10
2º	MP0924	Empresa e iniciativa emprendedora	53	3
2º	MP0925	Formación en centros de traballo	384
2º	MP0922	Proxecto de produción de audiovisuais e espectáculos	26
2º	MP0916	Xestión de proxectos de cine, vídeo e multimedia	157	9
2º	MP0919	Xestión de proxectos de espectáculos e eventos	105	6
2º	MP0917	Xestión de proxectos de televisión e radio	140	8

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico superior en Produción de audiovisuais e espectáculos.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de SIMS01 - Produción de audiovisuais e espectáculos en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SIMS01 - Produción de audiovisuais e espectáculos, en centros sostidos con fondos públicos, para o curso académico 2023-2024.

Réxime de persoas adultas na modalidade presencial

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.

Réxime de persoas adultas na modalidade semipresencial e a distancia

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia