SIMP05
SIMP05 - Termalismo e benestar
Que se aprende a facer?
Xestionar servizos relacionados co termalismo e o benestar, aplicando técnicas de hidrocinesia, técnicas hidrotermais, masaxes estéticas e programas de acondicionamento físico na auga, consonte protocolos establecidos, dinamizando as actividades personalizadas programadas e orientándoas cara á mellora da calidade de vida e da saúde, para conseguir a satisfacción das persoas usuarias e asegurar a prestación do servizo en condicións de calidade, seguridade e protección ambiental.
En que ámbitos se traballa?
No sector de os coidados da imaxe persoal, no subsector de coidados estéticos, en pequenas e medianas empresas tales como hoteis, centros de spa e balnearios. A súa actividade está abranguida nas áreas de tratamentos estéticos integrais, estética hidrotermal, masaxe estética e drenaxe, asesoramento en tratamentos cosméticos, acondicionamento físico e recreación, ocupándose da planificación, a organización, a dinamización e a avaliación das actividades.
Que ocupacións se desempeñan?
Técnico/a en tratamentos estéticos integrais, especialista en técnicas hidroestéticas, técnico/a en masaxes estéticas, técnico/a en drenaxe linfática estética, instrutor/a de grupos de hidrocinesia e coidado corporal, coordinador/a de actividades de acondicionamento físico e de hidrocinesia, director/a técnico/a en spas e balnearios, monitor/a de tempo libre, e socorrista en instalacións acuáticas.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP1151 | Acondicionamento físico na auga | 213 | ||
| 1º | MP0212 | Características e necesidades das persoas en situación de dependencia | 133 | ||
| 1º | MP1124 | Dinamización grupal | 107 | ||
| 1º | MP1648 | Formación e orientación laboral | 107 | ||
| 1º | MP0179 | Inglés | 160 | ||
| 1º | MP0747 | Masaxe estética | 240 | ||
| 2º | MP1123 | Actividades de lecer e tempo libre | 123 | ||
| 2º | MP1649 | Empresa e iniciativa emprendedora | 53 | ||
| 2º | MP0745 | Estética hidrotermal | 123 | ||
| 2º | MP1650 | Formación en centros de traballo | 384 | ||
| 2º | MP1647 | Proxecto de termalismo e benestar | 26 | ||
| 2º | MP1152 | Técnicas de hidrocinesia | 105 | ||
| 2º | MP1136 | Valoración da condición física e intervención en accidentes | 226 |
Modalidade de formación profesional dual
Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.
| Concello | Código | Centro educativo | Teléfono |
|---|---|---|---|
| Ourense | 32015050 | CIFP A Farixa | 988783012 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
