SIMP04
SIMP04 - Caracterización e maquillaxe profesional
Que se aprende a facer?
Planificar e realizar a montaxe de proxectos de caracterización para medios audiovisuais e escénicos, así como deseñar e realizar próteses, perrucas e maquillaxes sociais, profesionais e artísticas, coordinando os medios técnicos e humanos, e respectando os criterios de calidade, seguridade, protección ambiental e deseño universal.
En que ámbitos se traballa?
En empresas, maioritariamente privadas, dedicadas ao desenvolvemento de proxectos de caracterización para producións audiovisuais e escénicas, en talleres e estudios de caracterización e en empresas dedicadas á maquillaxe profesional, onde desenvolven tarefas individuais e en grupo nas áreas funcionais de xestión e supervisión, deseño, organización e prestación de servizos, así como na fabricación de postizos, perrucas e próteses de caracterización, ben como traballadoras e traballadores autónomos ou ben por conta allea.
Que ocupacións se desempeñan?
Caracterizador/ora; xefe/a de maquillaxe para medios audiovisuais e actividades e actuacións escénicas; peiteador/ora para caracterización; maquillador/ora para medios audiovisuais e actividades e actuacións escénicas; posticeiro/a; xefe/a de caracterización; xefe/a de peiteado para espectáculos e medios audiovisuais; especialista en próteses e efectos especiais de caracterización; deseñador/ora de personaxes de caracterización; formador/ora técnico/a en caracterización; técnico/a comercial.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP1264 | Creación de próteses faciais e corporais | 213 | ||
| 1º | MP1267 | Deseño dixital de personaxes 2D 3D | 80 | ||
| 1º | MP1268 | Deseño gráfico aplicado | 133 | ||
| 1º | MP1271 | Formación e orientación laboral | 107 | ||
| 1º | MP0685 | Planificación e proxectos | 107 | ||
| 1º | MP1266 | Postizaría | 213 | ||
| 1º | MP1269 | Produtos de caracterización e maquillaxe | 107 | ||
| 2º | MP1261 | Caracterización de personaxes | 157 | ||
| 2º | MP1263 | Efectos especiais a través da maquillaxe | 87 | ||
| 2º | MP1272 | Empresa e iniciativa emprendedora | 53 | ||
| 2º | MP1273 | Formación en centros de traballo | 384 | ||
| 2º | MP1262 | Maquillaxe profesional | 193 | ||
| 2º | MP1265 | Peiteado para caracterización | 140 | ||
| 2º | MP1270 | Proxecto de caracterización e maquillaxe profesional | 26 |
Réxime de persoas adultas na modalidade presencial
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
