SFME01

SFME01 - Programación da produción en fabricación mecánica

Ciclo formativo

Familia: Fabricación mecánica

Sistema educativo: LOE

Grao: superior

Horas: 2000

Código: SFME01

Documentación:

Volver á relación de ciclos formativos

Que se aprende a facer?
Planificar, programar e controlar a fabricación por mecanizado e a montaxe de bens de equipamento, partindo da documentación do proceso e das especificacións dos produtos que se fabriquen, asegurando a calidade da xestión e dos produtos, así como a supervisión dos sistemas de prevención de riscos laborais e de protección ambiental.

En que ámbitos se traballa?
En industrias transformadoras de metais relacionadas cos subsectores de construción de maquinaria e equipamento mecánico, de material e equipamento eléctrico, electrónico e óptico, e de material de transporte encadrado no sector industrial.

Que ocupacións se desempeñan?
Técnico/a en mecánica. Encargado/a de instalacións de procesamento de metais. Encargado/a de operadores de máquinas para traballar metais. Encargado/a de montadores. Programador/ora de CNC. Programador/ora de sistemas automatizados en fabricación mecánica. Programador/ora da produción.

Cales son os módulos?

Curso	Código	Módulo profesional	Horas	Períodos semanais
1º	MP0160	Definición de procesos de mecanizado, conformación e montaxe	213	8
1º	MP0164	Execución de procesos de fabricación	187	7
1º	MP0168	Formación e orientación laboral	107	4
1º	MP0007	Interpretación gráfica	133	5
1º	MP0162	Programación de sistemas automáticos de fabricación mecánica	160	6
1º	MP0166	Verificación de produtos	160	6
2º	MP0169	Empresa e iniciativa emprendedora	53	3
2º	MP0161	Fabricación asistida por computador (CAM)	70	4
2º	MP0170	Formación en centros de traballo	384
2º	MP0002	Mecanizado por control numérico	262	15
2º	MP0163	Programación da produción	140	8
2º	MP0167	Proxecto de fabricación de produtos mecánicos	26
2º	MP0165	Xestión da calidade, prevención de riscos laborais e protección ambiental	105	6

Nota. Os módulos en negra están asociados a algunha unidade de competencia.

Que título ou acreditación se obtén?
Título de Técnico superior en Programación da produción en fabricación mecánica.

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.

Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.

Curso 2023-2024. Oferta de SFME01 - Programación da produción en fabricación mecánica en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SFME01 - Programación da produción en fabricación mecánica, en centros sostidos con fondos públicos, para o curso académico 2023-2024.

Réxime de persoas adultas na modalidade presencial

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.

Modalidade de formación profesional dual

Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.

A Coruña
Concello	Código	Centro educativo	Teléfono
Ferrol	15006754	CIFP Ferrolterra	981333107

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

Xunta de Galicia