Inicio

SELE05

 

SELE05 - Electromedicina clínica
Ciclo formativo
Familia: Electricidade e electrónica
Sistema educativo: LOE
Grao: superior
Horas: 2000
Código: SELE05
Documentación: RD
Volver á relación de ciclos formativos
Volver á relación de ciclos formativos

Que se aprende a facer?
Xestionar e realizar a montaxe e o mantemento de instalacións, sistemas e equipamentos de electromedicina clínica, considerando as recomendacións do fabricante, os requisitos oportunos de calidade e de seguridade, e a normativa vixente aplicable.

 

En que ámbitos se traballa?
As persoas que obteñen este título exercen a súa actividade en servizos técnicos dedicados á montaxe e/ou ao mantemento de instalacións, sistemas e equipamentos de electromedicina clínica pertencentes a centros sanitarios públicos ou privados, e nos departamentos de asistencia técnica ou atención á clientela dedicados a asesoramento e/ou execución da montaxe e/ou o mantemento de instalacións, sistemas e equipamentos de electromedicina clínica, pertencentes a empresas fabricantes, distribuidoras ou provedoras dos devanditos servizos, de natureza pública ou privada, con independencia da súa forma xurídica e do seu tamaño, por conta propia ou allea. As actividades que se desenvolven no seu ámbito profesional están sometidas a regulación polas administracións competentes.

 

Que ocupacións se desempeñan?
Xefe/a de equipo de instaladores/as de sistemas de electromedicina; coordinador/a e supervisor/a de mantemento de sistemas de electromedicina; especialista de aplicacións electromédicas; especialista de produto de sistemas de electromedicina; asesor/a técnico/a de sistemas de electromedicina; técnica/o en electrónica, especialidade en electromedicina; instalador/a reparador/a en electromedicina.

 

Cales son os módulos?

Curso Código Módulo profesional Horas Períodos semanais
1º MP1597 Formación e orientación laboral 107
1º MP1585 Instalacións eléctricas 107
1º MPI023 Lingua estranxeira profesional I 53
1º MP1589 Sistemas de monitorización, rexistro e coidados críticos 213
1º MP1588 Sistemas de radiodiagnóstico, radioterapia e imaxe médica 213
1º MP1586 Sistemas electromecánicos e de fluídos 107
1º MP1587 Sistemas electrónicos e fotónicos 107
1º MP1592 Tecnoloxía sanitaria no ámbito clínico 53
2º MP1596 Empresa e iniciativa emprendedora 53
2º MP1598 Formación en centros de traballo 384
2º MPI024 Lingua estranxeira profesional II 53
2º MP1593 Planificación da adquisición de sistemas de electromedicina 157
2º MP1595 Proxecto de electromedicina clínica 26
2º MP1590 Sistemas de laboratorio e hemodiálise 140
2º MP1591 Sistemas de rehabilitación e probas funcionais 87
2º MP1594 Xestión da montaxe e mantemento de sistemas de electromedicina 140

Nota. Os módulos en negra están asociados a algunha unidade de competencia.

 

Que título ou acreditación se obtén?
Título de Técnico superior en Electromedicina clínica.

 

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.


Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.



Curso 2023-2024. Oferta de SELE05 - Electromedicina clínica en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de SELE05 - Electromedicina clínica, en centros sostidos con fondos públicos, para o curso académico 2023-2024.



Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).

  • Facebook
  • LinkedIn
  • Twitter