MTMV50
MTMV50 - Mantemento de vehículos híbridos e eléctricos
Que se aprende a facer?
Realizar operacións de mantemento, montaxe de elementos e conxuntos, localización de avarías, reparación, verificación e axuste, en vehículos con sistemas de propulsión híbridos e eléctricos, seguindo especificacións técnicas de seguridade e de protección ambiental, cumprindo a normativa vixente.
En que ámbitos se traballa?
Sector da produción e mantemento de vehículos híbridos e eléctricos e en subsectores de automóbiles.
Que ocupacións se desempeñan?
Técnico de mantemento de vehículos eléctricos, técnico de mantemento de vehículos híbridos, técnico instalador de accesorios de vehículos, vendedor/distribuidor de recambios e equipos de diagnoses, técnico de montaxe en empresas de fabricación de vehículos, técnico reparador de sistemas pneumáticos e hidráulicos, técnico reparador de sistemas de transmisión e freos, técnico reparador de sistemas de dirección e suspensión, técnico reparador de sistemas eléctricos e de carga, operario de empresas de fabricación de recambios e operario de centros autorizados de tratamento (CATs) de vehículos eléctricos e/ou híbridos.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP5064 | Formación en centros de traballo | 120 | ||
| 1º | MP5060 | Seguridade en vehículos híbridos e eléctricos | 87 | 5 | |
| 1º | MP5061 | Sistemas de propulsión en vehículos híbridos e eléctricos | 160 | 9 | |
| 1º | MP5062 | Sistemas eléctricos de alta voltaxe, baterías e recarga | 150 | 9 | |
| 1º | MP5063 | Transmisión de forzas e xestión térmica | 133 | 7 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
