MSSC01
MSSC01 - Atención a persoas en situación de dependencia
Que se aprende a facer?
Atender as persoas en situación de dependencia no ámbito domiciliario e institucional, co fin de manter e mellorar a súa calidade de vida, realizando actividades asistenciais e non asistenciais, psicosociais e de apoio á xestión doméstica, aplicando medidas e normas de prevención e seguridade, e derivándoas a outros servizos en caso necesario.
En que ámbitos se traballa?
No sector de servizos ás persoas, de carácter asistencial, psicosocial e de apoio á xestión doméstica.
Que ocupacións se desempeñan?
Coidador/ora de persoas en situación de dependencia en institucións e/ou domicilios, coidador/ora en centros de atención psiquiátrica, xerocultor/ora, gobernante/a esubgobernante/a de persoas en situación de dependencia en Institucións, auxiliar responsable de planta de residencias de maiores e persoas con discapacidade, auxiliar de axuda a domicilio, asistente de atención domiciliaria, traballador/ora familiar, auxiliar de educación especial, asistente persoal, teleoperador/ora de teleasistencia.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP0215 | Apoio domiciliario | 240 | 9 | |
| 1º | MP0213 | Atención e apoio psicosocial | 240 | 9 | |
| 1º | MP0216 | Atención sanitaria | 213 | 8 | |
| 1º | MP0212 | Características e necesidades das persoas en situación de dependencia | 160 | 6 | |
| 1º | MP0218 | Formación e orientación laboral | 107 | 4 | |
| 2º | MP0214 | Apoio á comunicación | 87 | 5 | |
| 2º | MP0217 | Atención hixiénica | 87 | 5 | |
| 2º | MP0211 | Destrezas sociais | 123 | 7 | |
| 2º | MP0219 | Empresa e iniciativa emprendedora | 53 | 3 | |
| 2º | MP0220 | Formación en centros de traballo | 410 | ||
| 2º | MP0210 | Organización da atención ás persoas en situación de dependencia | 123 | 7 | |
| 2º | MP0020 | Primeiros auxilios | 53 | 3 | |
| 2º | MP0831 | Teleasistencia | 104 | 6 |
Réxime de persoas adultas na modalidade presencial
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.
Réxime de persoas adultas na modalidade semipresencial e a distancia
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
