MIMA02
MIMA02 - Instalacións de produción de calor
Que se aprende a facer?
A competencia xeral deste título consiste en montar e manter instalacións caloríficas, solares térmicas e de fluídos aplicando a normativa e protocolos de calidade, de seguridade e de prevención de riscos laborais establecidos, asegurando a súa funcionalidade e o respecto polo ambiente.
En que ámbitos se traballa?
Este profesional exerce a súa actividade nas industrias de montaxe e mantemento de instalacións térmicas e de fluídos relacionadas cos subsectores de calefacción, instalacións solares térmicas para a produción de auga quente sanitaria e gases no sector industrial e no sector de edificación e obra civil.
Que ocupacións se desempeñan?
Instalador/ora mantedor/ora de equipamentos de produción de calor; instalador/ora mantedor/ora de instalacións de calefacción e AQS; instalador/ora mantedor/ora de instalacións solares térmicas; instalador/ora mantedor/ora de instalacións de auga; instalador/ora mantedor/ora de instalacións de gas e combustibles líquidos.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP0266 | Configuración de instalacións caloríficas | 107 | 4 | |
| 1º | MP0394 | Formación e orientación laboral | 107 | 4 | |
| 1º | MP0038 | Instalacións eléctricas e automatismos | 266 | 10 | |
| 1º | MP0036 | Máquinas e equipamentos térmicos | 240 | 9 | |
| 1º | MP0037 | Técnicas de montaxe de instalacións | 240 | 9 | |
| 2º | MP0395 | Empresa e iniciativa emprendedora | 53 | 3 | |
| 2º | MP0396 | Formación en centros de traballo | 410 | ||
| 2º | MP0302 | Montaxe e mantemento de instalacións caloríficas | 192 | 11 | |
| 2º | MP0310 | Montaxe e mantemento de instalacións de auga | 175 | 10 | |
| 2º | MP0392 | Montaxe e mantemento de instalacións de enerxía solar | 87 | 5 | |
| 2º | MP0393 | Montaxe e mantemento de instalacións de gas e combustibles líquidos | 123 | 7 |
Réxime de persoas adultas na modalidade presencial
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.
Réxime de persoas adultas na modalidade semipresencial e a distancia
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.
Modalidade de formación profesional dual
Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.
| Concello | Código | Centro educativo | Teléfono |
|---|---|---|---|
| Fene | 15032081 | IES de Fene | 881938280 |
| Ribeira | 15014556 | CIFP Coroso | 881866874 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
