1ºESO
O cálculo mental é unha competencia clave na aprendizaxe das matemáticas. A práctica do cálculo mental mellora a capacidade de concentración, facilita a comprensión e sentido da magnitude e do número, proporciona versatilidade e rapidez no proceso de cálculo e axuda na reflexión para decidir e elixir.
Dentro da materia de programación (2º ESO ) os departamentos de Tecnoloxia e Matemáticas estamos a colaborar na elaboración dunha serie de aplicacións informáticas que axuden ao alumnado a aprender matemáticas dun xeito lúdico e atractivo.
Froito desta colaboración presentámosvos o primeiro traballo: un programa realizado na plataforma Scratch que axudará a potenciar a capacidade de cálculo mental do alumnado. Que esté feito en Scratch fai que o alumnado coñeza e comprenda o código e que poida modificalo ao seu gusto para adaptalo ás súas necesidades.
O programa está aínda en desenvolvemento e gustaríanos recibir as vosas suxestións para facelo máis completo e atractivo. Esperamos que vos guste.
Dentro da materia de programación (2º ESO ) os departamentos de Tecnoloxia e Matemáticas estamos a colaborar para deseñar unha serie de aplicacións informáticas que teñan utilidade na didáctica das matemáticas.
E aquí vos presentamos o primeiro traballo froto desta colaboración: un programa elaborado na plataforma Scratch, que pensamos axudará de forma lúdica a potenciar a capacidade de cálculo mental do alumnado. O cálculo mental é unha competencia clave na aprendizaxe das matemáticas. A práctica do cálculo mental mellora a capacidade de concentración, facilita a comprensión e sentido da magnitude e do número, proporciona versatilidade e rapidez no proceso de cálculo e axuda na reflexión para decidir e elixir.
O programa está aínda en desenvolvemento, e por tanto aberto ás vosas suxestións para melloralo e facelo máis completo e atractivo. Que esté feito en Scratch fai que o alumnado coñeza e comprenda o código e que poida modificalo ao seu gusto e adaptalo ás súas necesidades. Disfrutádeo.
Para a semana comeza a nosa participación no Programa escolar de consumo de froita e leite fresca. Durante toda a semana teremos reparto gratuito de froita nos recreos, cada día unha diferente para que ninguén se quede sen a súa froita favorita.
O programa é promovido pola Consellería de Medio Rural e o Fondo Galego de garantía Agraria (FOGGA) que aportan a financiación e a quenes agradecemos a súa iniciativa e o reparto está organizado polo profesorado e alumnado de FPB e do departamento de comercio.
Pedimos a axuda das familias para incidir na importancia da alimentación variada e equilibrada e evitar o consumo frecuente da bollería industrial, da que temos sobrada evidencia nos patios e xardín do centro cheos de rsiduos plásticos.
E NON ESQUEZADES TRAER AS PILAS USADAS AO INSTITUTO !!
Por outra banda lembramos que tamén estamos participando na recollida de pilas e baterías dentro do Programa Pilabot. Traede as pilas gastadas ao centro, onde serán recollidas e tratadas correctamente, evitando que contaminen o solo e as augas dos ríos e acuíferos.
O 30 de xaneiro todos os centros educativos lembramos a importancia de vivir nun mundo en paz. É un dereito, non só da infancia senón de todo ser humano.
Debemos aprender a evitar a violencia e a resolver os conflictos e diferencias de forma pacífica. Queremos agradecer ao grupo de igualdade do centro Equa e ao departamento de Orientación, a súa implicación nesta celebración.
O pasado venres o alumnado de 4º ESO foi de excursión a Santiago onde percorreron a zona vella seguindo un completo itinerario organizado polos departamentos de Galego, Educación Plástica e Xeografía e Historia.
ITINERARIO PERCORRIDO POLA COMPOSTELA LITERARIA E MONUMENTAL 17 /12 2021
1. Casas Reais. Sociedade Económica de Amigos do País (organización académica e cultural do século XIX onde estudaron autores do Rexurdimento como Rosalía de Castro ou Aurelio Aguirre e centro de encontro dos intelectuais e escritores do momento como Eduardo Pondal. Nos seus escenarios Rosalía interpreta con 15 anos “Rosamunda” con grande éxito de público)
2. Praza de Cervantes (chamada no s. XII Praza do Foro por ser lugar de pregóns) e Igrexa neoclásica de San Bieito do Campo de Prado Mariño do s.XVIII, unha xoia do Neoclásico galego)
3. Praza de Abastos: visita a toda unha institución en Compostela. Construída en 1941 polo arquitecto Joaquín Vaquero Palacios a partir do primixenio edificio que data de 1873 e do que aínda se conserva o enlosado de granito e a muralla con escalinata.
4. Facultade de Historia e Xeografía. Visita ao edificio e á biblioteca
5. Catedral e pazos renacentistas da cidade vella, coas súas ruelas e perspectivas barrocas
6. Biblioteca municipal Anxel Casal.
7. Antigo cárcere municipal, centro de reclusión na ditadura.
8. Paseo da Alameda e homenaxe ás irmás Fandiño Ricart, máis coñecidas como as dúas Marías. Lectura dun texto elaborado pola alumna Nuria Juncal.
E tamén o venres pasado o alumnado de 1º ESO puido disfrutar da visita a dous museos emblemáticos de Santiago, o museo do Pobo Galego e o museo de Arte Contemporánea. Axentes infiltrados nos informan de que o pasaron estupendamente. Tedes máis información no Facebook do centro.
MARCO NORMATIVO
Decreto 443/2001 sobre condicións de seguridade no transporte escolar
Instrución 1/2021 conxunta sobre transporte escolar
LIÑAS E PARADAS
RUTAS E PARADAS 2021 Tamén se poden consultar na web BUS.GAL
Ver documento con paradas xeolocalizadas (ano 2020).
EMPRESA
UTE XG 804 liderada por Monbús. Concesionaria do contrato das liñas de transporte integrado.
* NOTA: O alumnado de Bacharelato e Ciclos Medio e Superior pode usar o transporte escolar pero deberá aboar o prezo da viaxe ou empregar a TERXETA NOVA para que lle salgan gratis. O concello de A Baña proporciona opcións de transporte ao alumnado empadroado nese concello que curse ensinanzas de bacharelato ou ciclos de FP no noso centro. Información no propio concello.
ANTERIORES
Circular 19-20 sobre transporte escolar
Instrución 3/2018 sobre transporte escolar
Manual para acompañantes do transporte escolar
Compilación de normativa actual sobre servizos complementarios (Venancio Graña)
Hoxe procedeuse ao reparto dos portátiles Edixgal a todo o allumnado de 1º ESO
INFORMACIÓN PARA AS FAMILIAS (FOLLETO INFORMATIVO CURSO 2021-22)
SOPORTE PREMIUM
O proxecto E-Dixgal conta cun equipo de soporte específico (Soporte Premium) que canalizará todas as incidencias relativas a centros, familias e profesorado.
As canles de contacto que dispoñen os usuarios son as seguintes:
- Email: soporte.premium@edu.xunta.es
- Teléfono: 881 86 90 00
- WhatsApp: 604 06 78 56
- Telegram: @Serciciopremiumedixgal
SEGURO DANOS ORDENADOR (VER MANUAL DO SEGURO)
As familias que así o desexen poden contratar de xeito voluntario un seguro anual (válido desde setembro de 2021 ata agosto de 2022), que permite cubrir o risco dos danos no portátil non contemplados na garantía.
O custe anual do devandito seguro é de 49 € (I.V.E. incluído), e a súa contratación pode realizarse a través do número de teléfono 881 505 136. Tamén poden contactar no correo electrónico coberturasir@plexus.es, ou rexistrarse na web coberturasir.plexus.es , cubrir o formulario e as fotos e facer o abono por transferencia na conta indicada.
O seguro cubre os seguintes danos:
• Rotura de calquera compoñente do equipo (pantalla, carcasa, teclas, bisagras,conector de alimentación, outros conectores...).
• Rotura do cargador de alimentación.
O seguro NON cubre os seguintes danos:
• Roubo, hurto, extravío ou pérdida, tanto do portátil, como do cargador de alimentación, ou do lapis.
• Rotura do lapis, ou da punta deste.
Hoxe publicamos a adxudicación definitiva do Fondo solidario de libros de texto. Poden consultar os libros que lle foron adxudicados a través de internet, coma sempre, na aplicación FONDO LIBROS, se dispoñen de certificado dixital ou chave 365. Usen esta opción preferentemente.
No caso de que non podan facelo de xeito telemático (o que recomendamos) as listaxes estarán dispoñibles no taboleiro de anuncios interior do centro. NON se poden tirar fotografías das listaxes, por normativa de protección de datos, e só pode estar unha persoa no interior do centro. Eviten as aglomeracións e permanezan no exterior do recinto mentres haxa alguén consultando as listaxes.
NOTA: As listaxes de libros son para alumnado de 2º, 3º e 4º ESO. O alumnado de 1º ESO está incluido no Proxecto EDIXGAL. O alumnado de 1º ESO que teña dereito a vale de material escolar recibirá a maiores os libros de texto das materias de Matemáticas, Inglés e Xeografía e Historia, materias non incluídas no proxecto Edixgal. De haber libros sobrantes procederase ao seu sorteo.
O vindeiro martes, 14 de setembro, pola tarde, terán lugar as tradicionais reunións informativas para as familias do alumnado de 1º ESO.
Debido á limitación de aforo do salón de actos obrigada polo protocolo sanitario, celebraranse en 3 quendas en correspondencia cos grupos de alumnado existentes pudendo asistir únicamente UNHA PERSOA por familia. Pregase que o alumnado NON asista á reunión xa que o día seguinte terán unha xornada de presentación específica. Os asistentes esperarán fora do centro ata ser chamados.
O horario será o seguinte
- FAMILIAS DO ALUMNADO DE 1º ESO A : 18:00 horas
- FAMILIAS DO ALUMNADO DE 1º ESO B : 18:30 horas
- FAMILIAS DO ALUMNADO DE 1º ESO C : 19:00 horas
Poden consultar en que grupo está incluído o alumnado no seguinte documento de asignación de grupos
Achegamos as instrucións sobre transporte escolar para o curso 21-22.
Lembramos que o IES Xulián Magariños entra dentro das concesións de liñas de transporte INTEGRADO, xestionadas dende a Consellería de mobilidade
