Un artigo de opinión sobre o nomeamento de Arabia Saudí para presidir o foro de igualdade da ONU, deulle a Nuria López González, alumna de 1º de bacharelato, o primeiro premio do concurso Mellor Xornalista Xuvenil de La Voz de Galicia.

O artigo titúlase “Arabia Saudita ó mando dos nosos dereitos: unha burla á igualdade” e pregúntase, tendo en conta ás  constantes violacións dos dereitos da muller que se producen neste país, se o motivo verdadeiro desta decisión non estará máis relacionado con intereses propagandísticos ca coa verdadeira igualdade de xénero. O premio (un ordenador portátil) entregarase o 14 de xuño no Multiúsos do Sar en Santiago de Compostela. Para máis información: prema aquí

O alumnado de 3º da ESO do IES Terra do Xallas acudiu o pasado venres 24 de Maio ao rocódromo de Riazor na cidade da Coruña, para realizar unha actividade de escalada deportiva incluída dentro do programa ‘Escalada na Escola’, financiado pola Deputación da Coruña e levado a cabo pola AMI (Agrupación de Montañeros Independientes). Ademáis de realizar unha práctica de escalada deportiva, o alumnado tamén recibiu unha charla teórica sobre os deportes de montaña e as diferentes modalidades dentro do mundo da escalada. Con esta actividade seguimos inculcando hábitos de vida saudable e activa no noso alumnado. Ver galería de imaxes

O xoves 16 de maio festexamos, no IES Terra de Xallas, o Día das Letras Galegas. A Biblioteca organizou un acto homenaxe a Luisa Villalta onde participaron alumnado e profesorado recordando as súas grandes paixóns: poesía e música. Se queres coñecer algo máis sobre a celebración, prema aquí.