O luns 19 de febreiro recibimos no centro a Eugenia Gil Soriano, árbitra profesional e de 1º división feminina, acompañada do responsable da delegación de árbitros da costa Manuel. Impartironunha interesante charla aos alumnos/as de 4º da ESO e 1º BACH, na que acercaron esta profesión ao alumnado como unha forma máis de gañarse a vida, facer deporte e inculcar valores… o tempo que Eugenia falaba dos seus inicios en esta profesión, como o compaxina co atletismo, e como é o seu atareado día a día de viaxes e arbitrando por todo Europa o nivel máis alto do fútbol femenino.

Manuel foi o encargado de informar e dar a posibilidade ao alumnado de facerse árbitros/as a través dun curso intensivo que dará comezo en marzo en Baio (Zas), esperamos ver alí algunha cara coñecida.

O venres 2 de febreiro, o alumnado de 2º da ESO realizou unha visita ao Museo de Ciencia e Tecnoloxía da Coruña onde participou en diferentes talleres. A continuación, coñeceu a Domus, museo interactivo adicado ao ser humano, e pola tarde visitou o Acuario e a Torre de Hércules. A saída foi organizada polos Departamentos de Tecnoloxía, Física e Química e Ciencias Naturais. Se queres ver a galería de fotos: prema aquí.

O luns 15 de xaneiro tivemos o pracer de contar coa presenza do escritor Núñez Singala, que lles veu falar ao alumnado da obra Atranco no banco. A actividade estivo dirixida ao alumnado de 2º curso da ESO, grupos cos que estivemos a realizar a lectura dramatizada desta comedia. A actividade foi organizada polo departamento de Lingua Galega e Literatura coa colaboración da Biblioteca e o EDLG.