NOVAS:

O luns 25 de abril publicouse no DOG a Orde do 31 de marzo de 2022 pola que se convocan os premios extraordinarios de bacharelato correspondentes ao curso 2021-2022. As solicitudes de participación presentaranse preferiblemente por medios electrónicos a través da aplicación informática «PremiosEdu» (https://www.edu.xunta.gal/premiosedu/).

Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.

O prazo de presentación comezará o día 26 de abril de 2022 e rematará o día 25 de maio de 2022.

Máis información nesta ligazón.

O venres 22 de abril publicarase a listaxe provisional de persoas admitidas e non admitidas para o curso 2022-23 no IES San Paio.  Dita lista poderase consultar físicamente no taboleiro da secretaría do centro, no horario de apertura (de 8.00 a 14.45 e de 16.00 a 21.45). Tamén se poderá coñecer o estado da solicitude a través da aplicación ADMISIÓN ALUMNADO, en cuxo caso é necesario o certificado dixital ou chave365.

O prazo de reclamación é de 5 días hábiles a partir do seguinte ao da súa publicación, polo que se poderán presentar reclamacións ata o luns 2 de maio (incluido). 

A Orde do 25 de xaneiro de 2022 pola que se actualiza a normativa de avaliación, obriga aos centros docentes a adaptar as concrecións curriculares para que garantan os criterios xerais establecidos pola normativa vixente para a avaliación e, de ser o caso, a promoción, titulación e outorgamento das matrículas de honra.

Ademais da ligazón á Orde, publícase, para coñecemento de alumnado e familias, o documento de adaptación da concreción curricular do centro, así como uns resumos que recollen, de maneira resumida e máis esquemática, as principais novidades tanto na ESO como no Bacharelato.

• Adaptación da concreción curricular do centro (aprobado en claustro extraordinario o 04.04.2022)
• Resume Novidades Avaliación ESO
• Resume Novidades Avaliación Bacharelato 
• Calendario escolar 2021-22 (adaptado á Orde 25 xaneiro 2022)

Conforme á Orde, estas novidades foron igualmente achegadas ás familias de todo o alumnado do centro, a través de mensaxería Abalar, o martes 5 de abril de 2022.

O pasado 01 de abril publicouse unha nova comunicación conxunta das Consellerías de Sanidade e Educación sobre a Nova Estratexia e Control do SARS-COV-2 na Etapa de Transición en Galicia no Ámbito Educativo, que se pode consultar na seguinte ligazón.

Segundo este documento, e de acordo coa nova estratexia e control da SARS-CoV-2 na etapa de transición en Galicia, recoméndase:

1. Chamar ao teléfono COVID 886 54 00 45 para comunicar a situación persoal e recibir instrucións.
2. Avisar ao Equipo COVID do centro chamando ao 886 110 762 ou enviando un correo electrónico a ies.sanpaio@edu.xunta.gal
3. Actuar como ante unha gripe común e, aínda que sexa unha opción e non unha obriga, illarse e seguir as clases dende a casa ata a desaparición dos síntomas.

Se queres prestar axuda (ofrecendo vivenda, traballo, mateirais, etc.), podes descargar este documento e envialo ao enderezo ucraina@tui.gal ou entregalo en papel no Servicio Sociocomunitario de Tui, nos Servicios de Formación e Emprego e nos Servicios Sociais.