February book haul
En febreiro chegou á nosa biblioteca unha das maletas viaxeiras en inglés dende Bibliotecas Escolares de Galicia. No departamento preparáronse varias actividades para sacarlle partido a estas lecturas. Un grupo de alumnas de 1º de Bacharelato fixo unha escolla de novela gráfica para grabar un “haul”.
Un haul é un video que consiste en presentar unha selección de lecturas que se acaban de mercar ou regalar. O máis habitual é facer un haul mensual, esta é unha tendencia moi extendida entre @s booktubers.
Pequena homenaxe a Harper Lee
Na súa cidade natal, Monroeville (Alabama) deixaron flores na estatua dunha nena lendo o seu libro "Matar a un reiseñor".
Photografía: Brynn Anderson/AP
Espiral Edublogs 2016
Este ano participamos co blog da biblioteca escolar na décima convocatoria do Premio Espiral Edublogs.
Con esta iniciativa preténdese "valorar a importancia e a repercusión dols blogs na educación, como ferramenta didáctica para o desenvolvemento de contidos curriculares e de motivación do alumnado".
Día da Paz 2016
Hoxe conmemoramos o día da Paz no noso centro.
Ademáis e como integrantes da Rede de Escolas polos Dereitos Humanos, convidámosvos a participar no 2º Concurso Xuvenil de Microrrelatos, esta vez o tema será “Primeiro as persoas, despois as fronteiras”. O contido do texto pódese centrar en calquera aspecto relacionado co título indicado: con refuxio, liberdade de desprazamento, dereito de asilo, emigración... a situación actual, o labor das ONGs, a resposta da cidadanía. A imaxe do cartel, dúas irmás separadas por unha fronteira, é bastante suxerinte. O texto do microrrelato terá unha extensión máxima de 250 palabras, e o prazo para a presentación vai dende o 8 de xaneiro ao 15 de febreiro de 2016.
Para inspirar os vosos relatos poderedes atopar lecturas que teñen como temática a paz e a non violencia no taboleiro de Biblioribeira "Día da Paz".
Video da visita de Francisco Castro
O video da charla do pasado día 11 de xaneiro a cargo do escritor Francisco Castro.
Preparando a visita do autor Francisco Castro
O luns 11 de xaneiro teremos a visita do autor Francisco Castro ao noso centro. A actividade consistirá nunha charla-coloquio arredor das súas dúas obras do club de lectura:
In memoriam, Xosé Neira Vilas
Unha reportaxe fotográfica sobre a visita que o alumnado do clube de lectura fixo a Xosé Neira Vilas en Gres.
Recomendacións, Nadal 2015
Velaquí as recomendacións para este Nadal:
"Explorando novos camiños"
25N, A comunidade educativa de Torneiros contra a violencia machista
Onte foi un día intenso, a comunidade educativa de Torneiros, saiu á rúa, como cada ano para denunciar a violencia de xénero. Xunt@s IES Ribeira do Louro, CEIP Antonio Palacios, CEIP da Ribeira, ACEESCA e o Centro de Maiores.
As mans fixeron unha cadea, os beizos leron poemas que atoparon espazo no ambiente pesado dun día de néboa. A música tamén estivo presente no acto de peche da actividade. En Biblioribeira poderedes atopar unha selección de libros e películas en torno á temática.
Estes son algúns videos do acto.
O departamento de inglés uniuse ao acto cunha lectura colectiva do poema de Gioconda Belli "The man who loves me" proposto dende Biblioribeira. Aquí a entrada completa.
Poesía adolescente, conmemorando o día das bibliotecas escolares.
O pasado 4 de novembro celebramos o día das bibliotecas escolares colaborando nun recital poético organizado pola biblioteca Biblosvivos do IES Pedras Rubias. Para a ocasión empregouse a obra “CON TEXTURA DE FUME”, que reúne os poemas presentados a concurso por alumnas e alumnos de diferentes centros escolares, premiados ou seleccionados no Certame Rosalía de Castro de Poesía Escolar 2015.
Un acto entrañable, no que a música acompañou, un acto cheo de emoción, unha viaxe poética que nos permitiu afondar en sentimentos expresados a través das palabras do noso alumnado.
Pinchade aquí para ver os videos do acto.
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- seguinte ›
- última »
