O IES Rego de Trabe está a colaborar coa ONG AGA UCRAÍNA (Asociación Galega de Axuda a Ucraína) para converterse en punto de recollida de bens con destino a ese país.
Precisamos:
- Comida enlatada que non precise ser procesada (conservas de peixe, albóndigas, fabada, sopas, etc.)
- Material hixiénico, especialmente cueiros.
- Produtos de aseo persoal.
- Roupa nova.
Poderán depositar as súas doazóns no recibidor do edificio principal de luns a venres en horario de 9.00 a 11.00 e de 12.30 a 13.30 h, e os luns de 16.30 a 17.50 h.
Nas sesións de titoría o noso alumnado, cos seus titores e titoras, organizarán os produtos recibidos e posteriormente trasladarémolos á nave que a ONG ten á súa disposición en POCOMACO, para o agradeceriamos a colaboración de alguén que dispoña dunha furgoneta (contactar co instituto: 881960801).
Temos un dobre obxectivo: por unha banda facer unha contibución en nome de toda a comunidade educativa, e por outra banda involucrar ao noso alumnado de forma activa.
Asimesmo, para quen prefira facer aportacións en metálico, os números de conta de AGA UCRAÍNA destinados a recaudar fondos son:
ES73 2080 0000 7230 4027 0691 (ABANCA)
ES49 0049 7709 1122 1000 5663 (Banco Santander)
Moi agradecido,
O persoal docente e non docente do IES Rego de Trabe.
