Prazos:

• O alumnado matricularase do 27 de xuño ao 1 de xullo consonte á distribución detallada no documentos adxunto.
• As familias que teñan varios/as fillos/as no centro en distintos niveis poderán facer todas as matrículas no mesmo día.

Documentación:

Para todo o alumnado:

• Impreso de matrícula cumprimentado. Os impresos seranlles entregados ao alumnado o día 27 de xuño xunto co boletín de notas. Tamén estarán dispoñibles na conserxería do centro.
• Copia do DNI e da tarxeta sanitaria.
• Fotos tamaño carné co nome e apelidos escritos detrás (tres se é a primeira vez no centro e dúas o resto de anos).
• Todo o alumnado que se matricula en 3ºESO, 4ºESO ou Bacharelato ten que aboar o Seguro Escolar (1,12€).

Segundo as circunstancias familiares:

• Custodia en casos de separacións.
• Certificados de minusvalía.
• Informes médicos de cuestións que se aleguen.
• Acreditación da necesidade dunha segunda parada de autobús.

Como todos os anos, o Ministerio de Educación e Formación Profesional convocou axudas para o alumnado con necesidade específica de apoio educativo (NEAE) para o curso 2022-23.

Estas axudas van dirixidas a alumnado que presente necesidades educativas especiais derivadas de discapacidade, trastorno grave de conduta ou trastornos graves da comunicación e da linguaxe asociados a necesidades educativas especiais, ao alumnado con trastorno do espectro autista e ao alumnado con necesidade de apoio educativo asociado a altas capacidades intelectuais.

Toda a información está recollida no Portal de Becas do Ministerio. Tamén poden usar estes enlaces:
- Información xeral das axudas
- Cubrir unha solicitude.

Outra información importante:
- As solicitudes teñen que cubrirse exclusivamente vía web a través da sede electrónica do Ministerio de Educación.
- O prazo de presentación de solicitudes no centro remata o 30 de setembro de 2022.

En caso de dúbida poden dirixirse á Secretaría do centro.

Documento anexo: Texto íntegro da convocatoria.

Esta convocatoria está recollida na Orde do 29 de abril de 2022, publicada no DOG do mércores 18 de maio de 2022.

Prazo de solicitude: remata o 22 de xuño de 2022.

Requisitos previos: é imprescindible devolver os libros de texto recibidos do fondo solidario no curso 2021/22. A data límite de devolución é o 22 de xuño.

Solicitude:

• Será presentada pola nai, pai ou titores/representantes legais.
• Cubrirase usando os formularios do procedemento ED330B (Anexo I e Anexo II), dispoñibles na Conserxería do instituto ou descargables na aplicación Fondolibros, na Sede Electrónica da Xunta de Galicia ou nos documentos anexos a esta publicación.
• Pode cubrirse en papel ou na aplicación Fondolibros.
• Se se cubre en papel, farase unha solicitude con todos os fillos e fillas admitidos no mesmo centro e entregarase presencialmente na Secretaría xunto coa documentación correspondente.
• Se se cubre en Fondolibros, farase unha solicitude separada para cada filla/o, gardarase xerando un número de solicitude e poderase escoller entre imprimila e presentala na Secretaría xunto coa documentación correspondente ou presentala na Sede Electrónica da Xunta de Galicia.

Documentación necesaria:

Está próximo a abrir o prazo de solicitude das bolsas do Ministerio de Educación e Formación Profesional para cursar estudos en 2022/2023.

Toda a información sobre esta convocatoria pode consultarse no Portal de Becas de Educación.

Información básica sobre estas bolsas:

- Van dirixidas ao alumnado que no curso 2022/23 se matricule en Bacharelato, Formación Profesional de graos Básico, Medio ou Superior e estudos universitarios, entre outros. Os detalles deben consultarse na convocatoria.

- O prazo de solicitude será do 30 de marzo ao 12 de maio de 2022.

- A concesión ou non da bolsa dependerá das condicións económicas da familia e dos resultados académicos do alumnado.

Ábrese o prazo para presentar solicitudes de admisión para cambios de centro para o curso 2022/2023 (do 1 ao 20 de marzo).

O alumnado que:

• queira continuar os seus estudos no centro, en ESO ou en Bacharelato, ten garantida a permanencia e non precisa facer solicitude de admisión. Simplemente terá que formalizar a matrícula no prazo que lle corresponda.

• queira continuar estudos de ESO ou Bacharelato noutro centro terá que presentar solicitude de admisión no novo centro e copia desa solicitude no noso centro. Poden consultar información máis detallada no seguinte enlace.

• queira acceder a estudos de Formación Profesional (Básica, Media ou Superior) non ten que facer ningún trámite neste momento xa que o acceso a eses estudos non está regulado por este procedemento e a información oficial sobre prazos aínda non está publicada.

En caso de dúbida, diríxanse á Secretaría do centro.