Do 1 ao 8 de marzo participamos na primeira mobilidade do proxecto UMBRELLA. As alumnas Clara Lozano, María Pamplona, Virginia Pásaro, Sandra Pena e Lucía Portela, todas elas de primeiro de BAC, desprazáronse ata Telde (Gran Canaria) acompañadas por Fina López e Roberto Núñez.
Tras ser recibidas no aeroporto, as nosas alumnas pasaron o domingo coas súas familias anfitrionas. As actividades do proxecto, que comezaron o luns 2 de marzo e duraron ata o venres 6, foron as seguintes:
- Presentación para todo o alumnado participante no proxecto sobre Galicia, Meira e o IES Pedregal de Irimia.
- Visualización das presentacións dos equipos de Gran Canaria, Croacia, Romanía e Portugal.
- Visita ás dunas, á praia e a charca de Maspalomas.
- Creación dun manifesto contra o cambio climático, tradución ás linguas dos países participantes no proxecto e lectura destas versións ante o alcalde de Telde.
- Visita guiada polos barrios de San Francisco e San Juan (Telde).
- Visita a unha queixería tradicional canaria e participación nun obradoiro sobre o tratamento da lá.
- Visita guiada por Las Palmas de Gran Canaria.
- Visita a unha granxa ecolóxica en Telde.
- Cerimonia final e entrega de certificados.
Tanto as alumnas como Fina e Roberto voltaron moi satisfeitos da súa participación, coincidindo na importancia que se lle debe dar á expresión oral en todas as linguas.
Aquí deixamos un resumen en vídeo da estancia do noso equipo.
Xa está en funcionamento a nova estación meteorolóxica do instituto, que nos servirá para facer medicións dos fenómenos meteorolóxicos e rexistrar os datos obtidos.
Por primeira vez na historia do noso centro, imos participar nun proxecto Erasmus+. O título do proxecto é U.M.B.R.E.L.L.A. (Uncovering Meteo Basic Research to Enhance Life-long Learning Abilities) e a súa temática vai xirar en torno á meteoroloxía e ao cambio climático.
Este proxecto, que está financiado pola Comisión Europea, vai ter unha duración de 24 meses, empezando o 1 de novembro de 2019 e rematando o 31 de outubro de 2021. Ao longo destes meses o alumnado participante vai facer investigacións, tanto de índole científica como humanística, e vai publicar os resultados en distintos formatos analóxicos e dixitais. Ademais disto, imos facer cinco viaxes de estudo aos centros que participan connosco neste proxecto e tamén imos acoller ao alumnado e profesorado destes centros. Na seguinte táboa podedes ver o nome dos devanditos centros, xunto coa localidade e o país no que están, e tamén as datas previstas nas que os visitaremos e nos visitarán. Adxuntamos tamén un mapa coa localización de cada un.