Orientación

Dentro da programación das I Xornadas pola Diversidade, onte tivemos a honra de escoitar no noso centro ao profesor e activista ÉRIC DOPAZO,

Previamente e sen ningún tipo de censura, o alumnado formulou todas aquelas preguntas, dúbidas, inquedanzas... que tiña a cerca da diversidade. e onte, no Paraninfo, Éric, dun xeito ameno, divertido e moi, moi didáctico, foi contestando cada unha delas.

O noso centro, cada vez máis inclusivo; cada vez máis seguro.

 

No IES Otero Pedrayo queremos darlle visibilidade.

No IES Otero Pedrayo queremos unha sociedade inclusiva, diversa, con igualdade de oportunidades, xusta.

Grazas á Concellaría de Educación e á Xefatura Provincial de Tráfico de Ourense, un ano máis o alumnado de 4º da ESO puido asistir a unha charla-obradoiro sobre a importancia de movernos de xeito seguro, vaiamos en bicicleta, moto, coche, patín ou calquera outro medio.

Os nosos rapaces e rapazas, a través de lentes de simulación, puideron comprobar os efectos do alcol e das drogas en primeira persoa, así como facer as probas grazas aos etilómetros e drogotest que os axentes trouxeron ao centro.

 

 

A través de APES (Asociación para a prevención e educación social) o alumnado de 1º ESO puido asistir esta semana a unha charla impartida por catro persoas reclusas do cárcere de Pereiro na que se falou sobre a importancia do voluntariado como alternativa para favorecer o desenvolvemento e as relacións sociais, desde unha visión positiva e comprometida coa comunidade. Ademais, tamén se insistiu en como o voluntariado é unha ferrramenta eficaz para previr a aparición de condutas de risco, ao mesmo tempo que fomenta hábitos positivos nas persoas. Charla impactante e moi, moi necesaria.