OS MELLORES DESEXOS PARA 2019
Para expresar os mellores desexos para o 2019 deixamos aquí unha fotografía e unha frase de Malala Yousafzai. A fotografía recolle os traballos premiados na biblioteca, no concurso UNHA ESTRELA NA ESPERELA; a frase dá conta do importante que é a formación para mellorar o futuro.
Os traballos premiados foron os de Laura Pampín e Nuria Aguiar, de terceiro de ESO.
PATINAXE PARA DESPEDIR O TRIMESTRE.
Hoxe tocou a merecida recompensa despois da avaliación do primeiro trimestre. Despois da entrega de notas, fómonos todos a patinar. A actividade estivo organizada polo departamento de Educación Física.
PREMIOS ÁS MELLORES AXENDAS ESCOLARES
Hoxe entregáronse na biblioteca A Esperela os premios polo bo uso e aproveitamento da axenda escolar do noso instituto.Foron uns recoñecementos emocionantes e divertidos.No segundo trimestre haberá máis!!!!
SESIÓN DE ATRAPASOÑOS DE 3º E 4º DE ESO .
 |
A xuntanza do club de lectura de hoxe xirará arredor da obra de Fran Alonso titulada Cartas de amor. Centrarase no relato titulado "Lonxe", que amosa o desarraigo sufrido polas persoas que teñen que deixar o seu lugar de vida para emigrar a outro país. Máis información no blog |
CONTACONTOS INGLÉS- GALEGO
Hoxe o alumnado do centro asistiu á actividade de contacontos en inglés e galego, da man das narradoras Patricia McGill e Charo Pita. Estas contadoras profesionais versionaron algúns relatos da tradición oral nos que apareceron bruxas,cabaleiros, paxariños metidos en problemas, damas encantadas e ata o mesmísimo rei Artur. A actividade,organizada polos departamentos de Inglés, Galego e Biblioteca , desenvolveuse en dúas sesións ( a primeira para o alumnado de 3º e 4º de ESO e a segunda para o alumnado de 1º e 2º ). Foi moi amena e interesante.
O concello colabora con IES nas saídas escolares.
TEATRO A PROL DO COMERCIO XUSTO
O Concello de Sada posibilitou a representación no noso instituto da obra " Vaya Tela!" dentro da campaña " Consumo con sentido, concellos coruñeses co Comercio Xusto". Logo da representación houbo un pequeno espazo de reflexión sobre a necesidade do consumo responsable no que participou o alumnado de 3º e 4º de ESO.
SESIÓN DE ATRAPASOÑOS DE 1º E 2º DE ESO .
 |
Hoxe , como todos os venres , houbo sesión do club de lectura Atrapasoños. Esta vez reuníronse os Atrapasoños pequenos de 1º e 2º de ESO. O conto escollido foi 7-X de Rosa Aneiros. |
CONVENIO COLABORACIÓN CONCELLO DE SADA IES O MOSTEIRON
No documento achegado podedes consultar o convenio de colaboración que firmaron Concello e Instituto, polo cual o primeiro subvenciona, ao segundo, parte do coste das saídas didacticas que realiza.
SESIÓN DE ATRAPASOÑOS de 3º e 4º DE ESO.
Hoxe no recreo temos xuntanza do club de lectura co alumnado de 3º e 4º de ESO. A obra da que se falará hoxe será Masculino singular, de Carlos Negro.
Máis información no blog ATRAPASOÑOS
- « primeira
- ‹ anterior
- …
- 17
- 18
- 19
- 20
- 21
- 22
- 23
- 24
- 25
- …
- seguinte ›
- última »
