Novas anteriores
Alumnos do Centro Monte da Vila comezan unha nova experiencia de estudos en Italia durante dous meses
Grazas ó programa Erasmus+ os nosos alumnos de ciclo básico de Informática comezaronodomingo 9 de abril unha experiencia académica persoal e profesional no estranxeiro. Dende Italia (Pescara) nos irán contando a sua experiencia. Van a ser os nosos embaixadores do Centro Monte da Vila en Italia durante dous meses. Vos desexamos o mellor nesta gran aventura!
LISTAXES DE AXUDAS DE LIBROS DE TEXTO
Adxuntamos listaxes de axudas de libros de texto.
Listaxe Bolsas de Estudio 2015/2016
Adxúntase PDF coas Bolsas de Estudios 2015/2016
Listaxes do alumnado admitido curso 2016/2017
Adxúntase PDF cos datos relativos ao alumnado admitido para o curso 2016/2017.
Exames de Pendentes na ESO e BACHARELATO - ABRIL/MAIO 2014
Nos seguintes enlaces podedes consultar as datas dos exames de pendentes.
CALENDARIO PENDENTES BACHARELATO
CONCERTO DIDÁCTICO
O Departamento de Música organizou unha saída a Santiago de Compostela para asistir a un concerto didáctico no Auditorio de Galicia. Isto realizouse o día 19 de xaneiro cos grupos de 3º da ESO A e B cun total de 46 alumnos e alumnas, os dous profesores de música Ángeles de la Sota e Miguel Besada Costa, a profesora de Lingua Castelá de 3º ESO Rosa Rodiño e mais a profesora lectora de inglés Vienna.
A interpretación correu a cargo da Real Filharmonía de Galicia dirixida por Maximino Zumalabe. A obra interpretada foi a 8ª sinfonía de Beethoven.
A actividade comezou ás 11 da mañá e durou unha hora e media, porque aínda que a obra non é tan longa, o director paraba o concerto despois de cada movemento para explicar fragmentos ou poñer exemplos musicais. O comportamento de todo o alumnado foi excelente.
FESTA DE NADAL 2011
O día 21 de decembro de 2011 a Vicedirección do centro organizou unha Festa de Nadal para despedir o primeiro trimestre. A participación do alumnado foi masiva nos distintos concursos que se celebraron. En primeiro lugar un xurado percorreu todas as aulas para outorgar os premios ás aulas mellor decoradas, sendo 3º da ESO A a gañadora; en segundo lugar quedou 1º da ESO A1 e en terceiro PCPI A (premio á orixinalidade).
Seguidamente pasouse ao concurso de Karaoke con éxito tanto de participantes como de público. O primeiro premio foi para Tamara e Nuria de 4º da ESO A e o segundo foi para Óscar e Benjamín de 1º da ESO A2.
Visita a "Unitour - Vigo"
DATA: |
20 de decembro de 2011 |
LUGAR: |
Hotel Pazo de los Escudos, Vigo |
DEPARTAMENTO: |
Orientación |
DESTINATARIOS: |
Alumnado de 2º de Bacharelato |
DESCRICIÓN DA ACTIVIDADE:
O día 20 de decembro de 2011 o Departamento de Orientación organizou unha saída a “Unitour – Vigo” coa finalidade de asesorar e orientar ao alumnado en todo o posible para que fagan a elección correcta tanto de grao como de Universidade. Pretendeu ser unha xornada de orientación universitaria. Esta saída estaba dirixida ao alumnado de 2º de Bacharelato e participaron 35 alumnos/as.
Proxecto Multilateral "Comenius"
DATA: |
Do 8 ao 13 de outubro de 2011 |
LUGAR: |
IES Monte da Vila do Grove |
DEPARTAMENTO: |
Instituto Monte da Vila |
DESTINATARIOS: |
Profesorado integrante do proxecto “Comenius” |
DESCRICIÓN DA ACTIVIDADE:
Baixo o título “A primeira década do século XXI”, reuníronse no IES Monte da Vila os integrantes do Proxecto Comenius para planificar as actividades do curso 2011 – 12.
Este grupo está integrado por profesorado (un total de 11) pertencente a diferentes países como son Bulgaria (Veliko Tarnovo), Italia (Catania), Romanía (Galati), Eslovenia (Trboljie), Turquía (Ankara), Polonia (Chelm) e España (O Grove).
Durante a súa estancia en Galicia, os integrantes do Proxecto participaron en saídas e visitas de todo tipo co obxectivo de coñecer a paisaxe, a gastronomía, a arte e, en xeral, a cultura do noso país. Entre as visitas máis destacadas están Santiago de Compostela e a vila de Cambados, onde se inclúe unha bodega de viño albariño.
O obxectivo principal do programa é o manexo das linguas estranxeiras, das novas tecnoloxías e o coñecemento doutras culturas.
Planetamóbil
![](/centros/iesmontevila/system/files/u76/planetamobil.png)
DATA: |
Semana do 13 ao 16 de decembro de 2011 |
LUGAR: |
IES Monte da Vila |
DEPARTAMENTO: |
Vicedirección |
DESTINATARIOS: |
Alumnado da ESO e do PCPI |
DESCRICIÓN DA ACTIVIDADE:
Na semana do 13 ao 16 de decembro, instalouse no centro unha pequena carpa onde se proxectou un mapa do ceo, coas principais constelacións. Por ela pasou todo o alumnado da ESO e do PCPI do centro e grupos do Colexio e do IES As Bizocas en horario lectivo. Tamén estivo aberto a todo o público as tardes do martes e do mércores.
A visualización do mapa do ceo obtivo un gran éxito entre o alumnado e o profesorado acompañante.
- 1
- 2
- 3
- seguinte ›
- última »
![RSS - Novas anteriores Distribuir contido](/centros/iesmontevila/misc/feed.png)