Informática

Os nosos alumnos de FP da familia de Informática fixeron unha visita ao Centro de Supercomputación de Galicia (CESGA), situado en Santiago de Compostela.

Na visita puideron comprender o tipo de servicios que ofrece este centro, ademais de observar a organización da súa infraestrutura de rede, o superordenador FinisTerrae e un ordenador cuántico.

Ábrese o prazo para solicitar a axuda de mobilidade Erasmus+ para o curso 2024/2025, dirixida aos alumnos do 2º curso do Ciclo Medio de Sistemas Microinformáticos e Redes. O prazo estará aberto desde o luns 11 de novembro ata o luns 25 de novembro, ambos incluídos.

Os interesados deberán cubrir o formulario de solicitude que se adxunta e entregalo presencialmente na Secretaría do centro ou ben mandalo asinado dixitalmente ao correo electrónico do instituto (ies.monterroso@edu.xunta.gal).

Os nosos alumnos de FP da familia de Informática fixeron recentemente unha visita á sede de Inditex, situada en Arteixo (A Coruña). Os alumnos puideron facer un percorrido polas principais instalacións da empresa e coñecer os seus innovadores métodos de traballo.

Agradecémoslle a todos os membros de Inditex a súa amabilidade e colaboración durante esta visita.

Atópase aberto o proceso de admisión para cursar ciclos de Formación Profesional durante o curso 2024/2025. Na seguinte ligazón pódense consultar os prazos e as instrucións do proceso:

Admisión FP 2024-2025

No curso 2024/2025 o noso centro ofertará os seguintes ciclos:

• Ciclo Medio de Sistemas Microinformáticos e Redes (Oferta ordinaria)

• FP básica de Informática de Oficina

O alumnado do Clube de Xogos de Mesa e Videoxogos do instituto e parte do alumnado do Ciclo Medio de Sistemas Microinformáticos e Redes fixo recentemente unha visita ao Museo do Videoxogo (MUVI), situado en Cangas do Morrazo. O MUVI é o único museo do videoxogo que existe en Galicia e un dos poucos que existen en España.

Ademais de visitar o museo e probar as súas máquinas, os alumnos participaron en dous obradoiros nos que puideron ver a gran influencia que teñen a literatura e os ordenadores na creación de videoxogos.

Durante as últimas semanas, alumnos do Ciclo Medio de Sistemas Microinformáticos e Redes desenvolveron unha máquina recreativa arcade para que todos os membros do instituto poidan xogar durante os recreos a algúns dos videoxogos máis populares e tradicionais das máquinas recreativas.

Os alumnos desenvolveron a máquina desde cero, empregando compoñentes de ordenadores do noso taller. Aplicaron os coñecementos adquiridos nos diferentes módulos do ciclo para montar os compoñentes, instalar o software necesario e deseñar a apariencia da máquina. Tamén aprenderon a conectar a máquina por rede para poder controlala de forma remota.

Faise público o calendario de exames para FPB e Ciclo Medio do curso 2021/2022, con datas de exames, entrega de boletíns e datas de reclamación.

Do 13 ao 19 de outubro tivo lugar no IES de Monterroso, nos grupos de 1º de Ciclo Medio de Sistemas Microinformáticos e Redes e 2º de FP Básica de Informática de Oficina, a actividade Codeweek.

Actividade integrada na iniciativa europea #CodeWeek (9 a 24 outubro de 2021) a semana europea da programación, na que tentamos achegar o pensamento computacional para a resolución de problemas mediante a realización dun proxecto de robótica básico e aplicación práctica da impresión 3D.

As/Os estudantes realizaron un proxecto paso a paso (desde a lóxica ata a implementación) para construir unha barreira activada mediante sensores de presenza empregando ARDUINO, actuadores e sensores.

A impresión de certos elementos coa impresora 3D permitu aos estudantes coñecer esta tecnoloxía e o seu emprego práctico.

https://codeweek.eu/view/375212/iniciacion-a-la-robotica-y-3d
https://codeweek.eu/