Punto Laranxa contra o acoso escolar
Inicio

Plan Proxecta

SORTEO DO PATINETE

Enviado por Zalaeta o Lun, 19/06/2023 - 17:56

Hoxe por fin se realizou o sorteo do patinete entre as persoas que durante este curso se desprazaron ao centro empregando un VMP. Marco González, de 1.° da ESO D, resultou gañador do sorteo , e José Fernández, coordinador do proxecto, fixo entrega do premio.. Parabéns, Marco..desfrútao!! Parabéns, Marco..desfrútao!!
Poñemos así fin ao Plan Proxecta de Mobilidade Sotible para este curso.

SORTEO DUN PATÍN ELÉCTRICO

Enviado por Zalaeta o Mar, 31/01/2023 - 08:44

Como parte do Plan Proxecta de Mobilidade Sostible e Segura, iníciase a participación no sorteo dun patinete eléctrico entre o alumnado.
Por cada día, tanto pola mañá como pola tarde, que se asista ao centro educativo nun vehículo non contaminante (como pode ser bicicleta, patinete, monopatín, patíns, etc.) farase entrega no segundo recreo dun boleto para participar nese sorteo a final de curso.
Están habilitados aparcadoiros para gardar estes vehículos: un no pavillón, para gardar a bicicleta, e outro na planta baixa, para monopatíns, patinetes, etc.).
A finais do curso actual sortearase este vehículo de mobilidade persoal, anímate a participar!

PLAN PROXECTA: MOBILIDADE SOSTIBLE

Enviado por Zalaeta o Mar, 31/01/2023 - 08:36

Un grupo de profesorado dos departamentos de Educación Física, Física e Química, Música e Comercio e Márketing está a participar este curso nun proxecto de "Mobilidade sostible", coordinado polo profesor de ciclos formativos José Fernández. As principais liñas de actuación dentro do proxecto son:
✅ Proposta de intervención urbanística
✅ Recuperación de espazos
✅ Intervención e cambio nos hábitos de desprazamento do alumnado
✅ Estudo do impacto medioambiental do abuso dos vehículos de combustión
interna e os seus efectos sobre la saúde pública
Toda a información está dispoñible en:
⚠️Nas últimas semanas xa se puxeron en marcha algunhas actuacións. Permanecede atentos e atentas que de seguido vos contamos máis cousiñas ⚠️

OBRADOIRO DE BICICLETA E VMP

Enviado por Zalaeta o Ven, 27/05/2022 - 11:58

O alumnado de 1.° de Comercio Internacional, Xestión de Vendas e Espazos Comerciais e de Actividades Comerciais desfrutaron o pasado 11 de maio dun circuito de prácticas e dun taller de reparación de bicicletas. Todo da man das asociacións Mobi-liza e Acouvmp. Esta actividade enmárcase dentro das previstas no Plan Proxecta de mobilidade sostible. Unha experiencia moi divertida coa que aprenderon moito!

SORTEO DA BICICLETA

Enviado por Zalaeta o Dom, 22/05/2022 - 11:16

Un dos propósitos deste curso é que empregarades vehículos non contaminantes para vir ao instituto. Hai uns días realizamos o sorteo da bici escollendo un boleto de entre os participantes durante todo este tempo. A man inocente, como non podería ser doutro xeito, foi Conchi: profe de EF que nos fixo [e fai] mover o cu, e que se encargou durante moito tempo de ensinar a andar en bici e realizar roteiros pola cidade.
O afortunado gañador é Paulo, alumno de ciclos formativos, quen cada día viña ao instituto no seu monopatín. Parabéns!!

SAÍDA EN BICICLETA

Enviado por Zalaeta o Mér, 18/05/2022 - 17:14

Lembramos unha das saídas en bici que realizou hai unhas semanas o alumnado de 1.º da ESO. Desprazouse cara ao paseo marítimo en dirección Riazor polo carril bici ata chegar ao Milenium, ascensor do monte de San Pedro e continuación ata o Portiño. Cada grupo segundo o seu nivel fixo entre 8,5 e10 km, aproximadamente. Noraboa!!! Sodes uns/unhas ciclistas estupendos!!

Últimos Artigos

máis

Theme by Danetsoft and Danang Probo Sayekti inspired by Maksimer