Queremos compartir unha serie de proxectos desenvolvidos polo Club de Ciencia co gallo da conmemoración do 11F: Día da Muller e da Nena na Ciencia.
Organizado polo Club Zalatecno, un curso máis celebramos en Zalaeta a semana de visibilización da muller e a nena na ciencia e na tecnoloxía promovida pola ONU e pola iniciativa 11F. A pesares das circunstancias, contaremos con moitas charlas (presencias ou online) e actividades que se desenvolverán entre o día 2 e o 12 de febreiro. Para mantervos informados e informadas, seguida as redes (@zalatecno en Instagram, @tecnozala en Twitter) ou consultade a páxina web de Zalatecno.
Alumnado de Tecnoloxía Industrial (1º BAC) e de Tecnoloxía bilingüe (3º ESO) visitou Energy Challenge, unha experiencia itinerante e innovadora para achegar aos máis novos, e ao público en xeral, coñecementos actualizados sobre a transición enerxética, a economía circular, a calidade do aire e as novas tecnoloxías enerxéticas.
Dous proxectos de Zalatecno e Deseño e Son seleccionados na edición de Galiciencia 2020. "Fichas Braille" e "Planos táctiles" participan na categoría de secundaria. Entra na web de Galiciencia e coñece máis sobre estes e outros proxectos participantes.
Theme by Danetsoft and Danang Probo Sayekti inspired by Maksimer