Orientación

Bo dia,

Para a Semana Cultural estaba prevista no noso IES unha charla titulada: " Do interior da materia ao corazón das estrelas".

Pola imposibilidade de poder facela de xeito presencial, o Programa "A Ponte entre eo ensino medio e a universidade"  ofrecerá esta charla a través de videoconferencia, o vindeiro xoves 28 de maio, ás 16:00 horas.

Aquí vos deixo o enlace para seguila:

A revista "Entre estudiantes" publicou de xeito gratuito o seu número de abril, que podes consultar cómodamente dende a túa casa.

No sumario podes atopar: artigos de opinión, novas, novos graos universitarios, títulos de formación profesional de grao superior, reportaxes e un listado de libros para ler na primavera.

PREME NA IMAXE e disfruta da lectura!

Estimadas familias,

O confinamento prolongado pode poñer a proba o clima familiar e a saúde emocional de calquera de nós.

A ONG IGAXES abre un canal de atención a familias con nenos/as (calquera que sexa a súa idade), durante a emerxencia.

Se o precisades, podedes chamar ao 606089054, ou enviade un whatsapp de luns a xoves (de 9:00 a 19:00 h) e venres (de 9:00 a 15:00h).

Tamén podedes escribir un correo electrónico a familias@igaxes.org

Para maís información: https://www.igaxes.org/es/abrimos-canal-de-atencion-a-familias-con-hijos-e-hijas/

Se lembrades, o pasado mes de febreiro dúas técnicas desta ONG estiveron no IES impartindo unha charla para as familias,  titulada: "Educación afectivo-sexual na era da nova pornografía".

Bo día,

Comparto neste post, a Guia de benestar emocional elaborada polo Equipo de orientación específico, que pode ser de axuda para toda a comunidade educativa nestes momentos.

Saudiños!

Ola a todos/as,

A Universidade da Coruña ofrece aos futurosas estudantes unhas Xornadas de portas abertas virtuais.

Cando?  xoves 23 e venres 24 de abril

Horario de mañá: de 9:30 a 14:00 horas

Horario de tarde : de 16:00 a 20:00horas.

Dende a nosa casa poderemos coñecer os servizos que fan máis atractiva e sinxela a vida universitaria: residencias públicas, UDC internacional, centro de linguas, cultura, deporte, cooperación e voluntario, UDC saudable, atención á diversidade, asociacións estudantís, emprego, etc.

A oferta de Graos, aparecerá clasificada segundo as ramas de coñecemento universitario:

-Artes de humanidades

-Ciencias

-Ciencias da saúde

-Ciencias sociais e xurídicas

-Enxeñería e arquitectura

Disporedes de:

- Videoconferencia de cada titulación

-Vídeos de centros universitarios

- Vídeos de alumnado matriculado e alumnado titulado.

Acceso a través da seguinte ligazón:

 https://www.udc.es/futuros_estudantes/portas_abertas/

DISFRUTADE DAS XORNADAS!

UNHA APERTA