RESOLUCIÓN DO XXI CONCURSO DE COCIÑA E COCTELARÍA “JOSÉ RODRÍGUEZ-MOLDES REY”.

Tagged:

Concurso José Moldes

VÍDEO RESUMO DO ACONTECIDO

Novo éxito do concurso de cociña e coctelería que organizamos cada ano no IES Fragas do Eume, o José Rodríguez-Moldes Rei, e que se celebrou na mañá deste pasado xoves coa participación dos oito centros que conforman parte da rede galega de Formación profesional de Hostalería de Galicia, da Escola de especialidades Fundamentais da Estación Naval da Graña (Ferrol).

Ao certame acudiu, entre outros representantes da administración educativa, docentes e alumnado dos centros participantes, a conselleira de Educación, Universidade e Formación Profesional, Carmen Pomar, que destacou a importancia da celebración deste tipo de eventos para cumprimentar a formación do alumnado e poñer en valor o traballo excepcional que se está a facer nos centros de formación profesional. Asemade destacou a importancia da colaboración con entidades empresariais para aproveitar siñerxías cara ao desenvolvemento de proxectos de innovación e a inserción laboral.

Estiveron tamén presentes neste XXI certame "José Moldes" o alcalde do concello de Pontedeume (Bernardo Fernández Piñeiro), o alcalde de Cabanas (Carlos Ladra Brage) e representantes das empresas patrocinadoras.

Na edición deste ano, o alumnado de cociña tivo que preparar croquetas de xamón (prato tradicional) e outro con ás de polo como ingrediente principal (prato creativo). No caso da coctelaría, as persoas participantes prepararon un cóctel (receita clásica) e un combinado utilizando Pisco Barsol, de uva Quebranta e zume de laranxa (modalidade creativa).

COCIÑA

1º Premio: D. Jorge Rey Rivera e D. Daniel Fernández Quintas– IES/CIFP/EHT IES Sanxillao.

Nome dos pratos: Croquetas de Xamón. / Pito e Millo.