CIFP Fraga do Eume

17/11 - DIA MUNDIAL DA FILOSOFÍA

Desde o departamento de Filosofía  queremos convidar a toda a comunidade educativa a partillar, ainda que sexa durante uns instantes, o Día Mundial da Filosofía (o terceiro xoves de Novembro).

Con este motivo fixemos unha pequena recensión de textos clásicos (Epicteto, Kant e Platón) que tamén repartiremos en pequenos caderniños entre alumnado e docentes. En realidade está dedicado á toda á comunidade educativa, pois sempre foi unha preocupación de todos os filósofos a cuestión de como educarnos ao longo de toda a nosa vida. No fin de contas todos os tempos foron malos para a Educación. Este caderno pretende ser o inicio dunha colección mensual que sexa como un recordatorio do lugar da filosofía na nosa civilización e estarán sempre un número deles dispoñíbeis na Biblioteca.

Un pequeno obsequio para todos vós con gratitude.

Acceso ao documento

ALUMNAS DE 4º DA ESO EN RADIO-FENE

As alumnas: Erika Yañez, Lucía Galdo, Verónica Martín, María Díaz e Sara Costoya, de 4º da ESO, asistiron ao programa  radiofónico , onde exerceron como autenticas criticas literarias 

Xosé Manuel Sarille: “A guerra é moito máis terrible do que podemos concebir”

Xosé Manuel Sarille coas alumnas do IES Fraga do Eume

“O uso de saltos no tempo non foi algo consciente, vin que non discurriría ben a narración se fose lineal, e a novela comeza nos anos 50 e logo retrocede aos anos da República” afirmou o autor de Polos fillos dos fillos Xosé Manuel Sarille. O escritor dialogou no club de lectura de Radio Fene sobre a súa obra, con Erika Yañez, Lucía Galdo, Verónica Martin, Maria Diaz e Sara Costoya, alumnas de 4º da ESO do Instituto de Ensino Secundario Fraga do Eume de Pontedeume.

“Todo puido ter ocorrido, o que non quere dicir que os diálogos que se reproducen foran exactos, pero arredor da guerra creanse moitos bulos e hai que ser moi coidadosos. De todos os xeitos, a guerra é moitisimo máis terrible do que podemos concebir” salientou Sarille.