Novas Erasmus

Un retrato de Darío Xohán Cabana por Sheila 3ºA

Buscamos ilustrustradores e ilustradoras para o noso blogue: retratos, caricaturas, collages, debuxos, etc. Estade atentos ás novas que vaian aparecendo. Podedes envialos a normalizalumnos@terra.com ou entregalos a algún membro de normalización: Eva, Isabel Segura, Diego... 

 

Xornada pola Ciencia en galego

   

O próximo xoves 4 de novembro imos falar de ciencia en galego e imos facelo con outros cen centros de ensino de Galicia. Na primeira imaxe podedes enlazar coa páxina na que se explican algunhas das actividades que se van a realizar en toda Galicia, incluídas as do noso IES. 

As nosas actividades serán as seguintes:

- A conquista do espazo. Unha historia da exploración do Sistema Solar. (Podes descargar aquí as imaxes da charla ou ler a principal fonte empregada para preparala)

- O programa Stellarium, un exemplo de software en galego.

- Como fabricar un planisferio estelar.(Podes descargalo premendo nas dúas imaxes da dereita)

- Observación do ceo nocturno. (Máis información na páxina do Departamento de CCNN)

- O númeroáureo e a serie de Fibonacci na natureza, arte,...

- Científicos galegos

- Convocatoria do II Premio de investigación científica Ángel Carracedo

- Videoconferencia dende o CERN

  

EDITADA A REVISTA DO INSTITUTO, MARIANTELLA

Neste final de curso publicamos a revista Mariantella na que podedes ler artigos sobre moitas das actividades que se fixeron no noso instituto durante o case rematado ano escolar 2009-2010. Podedes ler artigos sobre as actividades realizadas, na semana Cultural, na biblioteca, nas excursións ou en datas de celebracións xa tradicionais no noso centro
Marian Tell a 2010

 
 Tamén hai espazos sobre temas de opinión e actualidade, sobre o novo decreto do galego ou a eutanasia, entre outros; publicamos os relatos premiados en diferentes concursos literarios e entrevistamos a persoeiros famosos que nos visitaron e tamén se despiden de nós, con un ata logo, os alumnos e alumnas de 2º de bacharelato. Esperamos que vos guste.

ENTREGA DOS PREMIOS LITERARIOS

 Entregáronse na biblioteca do noso Centro os premios literarios da edición deste ano. As premiadas nesta terceira edición dos premios foron as seguintes escritoras:
premio eduardo pondal
1º Premio de Poesía Eduardo Pondal da comarca de  Bergantiños en modalidade de Bacharelato ao poema 'Belicosamente sempre túa' de Laura Castro Lorenzo do I.E.S. Isidro Parga Pondal de Carballo
premio poesia 
Premio de Poesía do Terceiro Certame de Creación Literaria do IES de Ponteceso ao poema 'Hoxe en día' de Salomé Varela, do 1º curso de bacharelato.
relato curto 
Premio de Relato Curto do Terceiro Certame de Creación Literaria do IES de Ponteceso ao relato 'Palabras' de Mariña Abella, do 1º curso de bacharelato.
minirelato 
Premio de Minirelato do Terceiro Certame de Creación Literaria do IES de Ponteceso ao relato 'Mal agoiro' de Susana Varela, do 1º curso de bacharelato. 

 

Noraboa a todas as premiadas e ánimos dende o IES de Ponteceso para o voso discorrer literario que se inicia e que queremos incentivar con estes premios. 

 

PREMIOS LITERARIOS

 

Lembrade que xa están convocados os certames de literatura deste ano, tanto o de Creación Literaria do noso IES (nas modalidades de mini relato, relato curto e poesía), como o Premio de Poesía Eduardo Pondal para alumnos dos centro de Secundaria da Comarca de Bergantiños. As datas tope de receción de traballos son, respectivamente, o 10 e o 14 de maio. Atoparedes toda a información relativa a estes concursos na Páxina Principal de Normalización, na sección de Certames Literarios.

Animádevos! Amosade a vosa creatividade ao mundo enteiro e gañade importantes premios!

Distribuir contido