Agregador de novas
Máis de cen axentes da Eurorrexión Galicia-Norte de Portugal definen a nova estratexia de especialización intelixente transfronteiriza ata 2027
Summary:
Representantes do ecosistema de I+D+i de Galicia e do Norte de Portugal reuníronse esta mañá en Ponte de Lima (Portugal) para identificar as áreas prioritarias
Idioma GallegoMáis dun cento de axentes do ecosistema de I+D+i da Eurorrexión Galicia-Norte de Portugal reuníronse esta mañá na Escola Superior Agraria de Ponte de Lima (Portugal) para definir, a través dun proceso participativo, as áreas prioritarias e as actuacións máis relevantes da Estratexia de Especialización Intelixente Transfronteiriza ata 2027. Esta xornada parte dos resultados extraídos no obradoiro celebrado no mes de maio en Vigo para avaliar a estratexia actual e rematará coa presentación no outono da nova Estratexia de Especialización Intelixente Transfronteiriza Galicia-Norte de Portugal (RIS3T).
A RIS3T é unha iniciativa pioneira, por tratarse da primeira RIS3 transfonteiriza en Europa, e foi recoñecida como caso de boas prácticas pola Comisión Europea. O seu obxectivo é aliñar as políticas de apoio á I+D+i na Eurorrexión e poñer en marcha proxectos coordinados. Para elo, na RIS3T 2014-2020 implementáronse actuacións encamiñadas a potenciar as capacidades das entidades da Eurorrexión e aproveitar as sinerxías entre elas, optimizando así recursos públicos, en seis áreas: enerxía do mar e biomasa, industrias agroalimentaria e biotecnolóxica, Industria 4.0, industrias de mobilidade, industrias turísticas e creativas e vida saudable e envellecemento activo.
Incremento de fondos ata os 518M€
Entre os principais resultados acadados, destaca o incremento nos fondos mobilizados en programas europeos de innovación respecto do obxectivo marcado: 517,8M€ acadados en Horizonte 2020 -programa marco de financiamento da I+D+i a nivel europeo- fronte aos 360M€ previstos. Así mesmo, cómpre subliñar o investimento mobilizado en programas de cooperación -como Interreg Poctep e Espazo Atlántico- polos axentes da Eurorrexión: 153M€.
Esta actividade enmárcase no proceso participativo con representantes do ecosistema de I+D+i -universidades, centros de coñecemento e tecnolóxicos, empresas e Administracións públicas-, que busca adecuar a RIS3T á evolución dos retos da Eurorrexión. Está organizada pola Axencia Galega de Innovación da Xunta de Galicia en colaboración coa Comissão de Coordenação e Desenvolvimento Regional do Norte (CCDR-NORTE) ao abeiro do proxecto GOBERNANZA_GNP_1_E, liderado pola Agrupación Europea de Cooperación Territorial Galicia-Norte de Portugal (GNP-AECT) e financiado polo Programa de Cooperación Transfronteiriza España-Portugal (POCTEP) da Unión Europea.
Información xeral Consellería de Educación, Ciencia, Universidades e Formación ProfesionalA Xunta adscribirá o Colexio Novo Mesoiro ao IES A Sardiñeira, con transporte escolar gratuíto para o alumnado que así o decida
Summary:
O secretario xeral técnico da Consellería de Educación, Manuel Vila, explica ante a Comisión 4ª do Parlamento as obras que se están desenvolvendo no instituto
Tamén avanzou a remodelación da aula do semi-soto e a súa adecuación como aula de tecnoloxía e a reforma do laboratorio
Paralelamente están executándose as obras das cubertas por un importe de máis de 40.000 euros, coa previsión de que estean rematadas antes do inicio do curso
Idioma GallegoO secretario xeral técnico da Consellería de Educación, Ciencia, Universidades e Formación Profesional, Manuel Vila, anunciou hoxe a adscrición “de facto” do Colexio CEIP Novo Mesoiro ao Instituto IES A Sardiñeira da Coruña, unha decisión que é froito “das escoitas e das demandas” da comunidade educativa.
Segundo explicou ante a ante a Comisión 4ª do Parlamento de Galicia, esta adscrición, que será oficial unha vez que se aprobe na Xunta Provincial de Directores, leva aparellado o servizo de transporte escolar gratuíto para os alumnos do Colexio Novo Mesoiro que decidan continuar os seus estudos no instituto do barrio dos Mallos.
A nova enmárcase no compromiso do Goberno galego por ofrecer unha educación de calidade, tanto desde a perspectiva académica e pedagóxica como de servizos e de infraestruturas escolares axeitadas.
Precisamente no eido da mellora das infraestruturas, Manuel Vila anunciou o acondicionamento da aula do semi-soto como aula de tecnoloxía e a reforma do laboratorio, unha actuación que terá un coste estimado de arredor de 50.000 euros e que a Consellería traballa para poder realizar durante este verán.
Cambio da cubertaParalelamente, desde o pasado mes de xuño xa se está executando o cambio de cuberta do edificio de Formación Profesional,así como outras actuacións na cuberta dos edificios do instituto, por un importe de máis de 400.000 euros.
A actuación, que está previsto que estea rematada antes do inicio do curso, abrangue a retirada do actual teito e a colocación dun panel para evitar a filtracións de auga, así como a limpeza e impermeabilización dos canlóns e a substitución das baixantes. No que atinxe ao edificio do IES e o edificio anexo do ximnasio, levarase a cabo a limpeza da cuberta e a impermeabilización dos soportais e a renovación e protección de baixantes.
Información xeral Consellería de Educación, Ciencia, Universidades e Formación ProfesionalPublicación das listaxes definitivas de persoas admitidas e excluídas para a realización da proba de acceso nas Ensinanzas Artísticas Superiores de Deseño, Restauración e Arte Dramática
Anuncio principal:
Resolución do 16 de abril de 2024, da Dirección Xeral de Formación Profesional, pola que se convocan probas e se ditan instrucións para o acceso e admisión do alumnado nas ensinanzas artísticas superiores da Comunidade Autónoma de Galicia curso 2024/25Tema:
EscolarizaciónEnsinanza:
Ensinanzas de réxime especial Ensinanzas de conservación e restauración de bens culturais Ensinanzas de arte dramática Ensinanzas superiores de deseñoDepartamento:
Dirección Xeral de Formación Profesional Subdirección Xeral de Aprendizaxe Permanente, Ensinanzas Artísticas, Idiomas e Deportivas Servizo de Ensinanzas de Réxime Especial e Aprendizaxe PermanenteColectivo:
Alumnado CentrosResolución do 24 de xuño de 2024, da Dirección Xeral de Formación Profesional, pola que se establecen as bases para o desenvolvemento dos ciclos formativos plurilingües nas ensinanzas profesionais de artes plásticas e deseño (PluriArt) curso 2024/25
Xúntase a Resolución do 24 de xuño de 2024, da Dirección Xeral de Formación Profesional, pola que se establecen as bases para o desenvolvemento dos ciclos formativos plurilingües nas ensinanzas profesionais de artes plásticas e deseño (PluriArt) para o curso 2024/25.
- O prazo de presentación de solicitudes comezará o día seguinte ao da publicación desta resolución no Diario Oficial de Galicia e rematará aos dez días hábiles contados a partir do día seguinte ao da publicación desta resolución.
File:
Resolución do 24 de xuño de 2024 (DOG)Tema:
Plurilingüismo Programas e plansEnsinanza:
Ensinanzas de réxime especial Ensinanzas profesionais de artes plásticas e deseñoDepartamento:
Dirección Xeral de Formación Profesional Subdirección Xeral de Aprendizaxe Permanente, Ensinanzas Artísticas, Idiomas e Deportivas Servizo de Ensinanzas de Réxime Especial e Aprendizaxe PermanenteColectivo:
Profesorado Alumnado Familias CentrosSección:
Boletín Portada de boletínConvocada a selección de plans de formación permanente do profesorado PFPP que se van implantar en centros educativos públicos dependentes desta consellería no curso 2024/25
RESOLUCIÓN do 2 de xullo de 2024, da Dirección Xeral de Centros e Recursos Humanos, pola que se convoca a selección de plans de formación permanente do profesorado que se van implantar en centros educativos públicos dependentes desta consellería no curso 2024/25.
File:
Resolución do 2 de xullo de 2024Servizo relacionado:
FPROFETema:
Proxectos de Formación Permanente do ProfesoradoEnsinanza:
Ensinanzas de réxime xeral Ensinanzas de réxime especialDepartamento:
Servizo de Programas de FormaciónColectivo:
Profesorado CentrosSección:
Boletín Portada de boletínPuntuacións provisionais das persoas candidatas para cubrir postos de persoal asesor na Consellería de Educación, Ciencia, Universidades e Formación Profesional (Orde do 27 de maio de 2024)
Publicación de puntuacións provisionais das persoas candidatas correspondentes ao concurso público para cubrir postos de persoal asesor na Consellería de Educación, Ciencia, Universidades e Formación Profesional, convocado pola Orde do 27 de maio de 2024.
Anuncio principal:
Convocatoria do concurso público de méritos para cubrir postos de persoal asesor na Consellería de Educación, Ciencia, Universidades e Formación ProfesionalTema:
Comisións de servizoDepartamento:
Dirección Xeral de Centros e Recursos Humanos Subdirección Xeral de Recursos HumanosColectivo:
ProfesoradoA Xunta premia os mellores proxectos de investigación dos estudantes que cursan o Bacharelato de Excelencia en Ciencias e Tecnoloxía
Summary:
As alumnas gañadoras pertencen aos institutos IES Plurilingüe Eusebio da Guarda da Coruña, IES Plurilingüe Rosalía de Castro de Santiago e IES Blanco Amor de Ourense
“Os premios demostran a calidade e o talento que atesouran os estudantes galegos e convido a afondar máis na formación STEM”, destaca o conselleiro
Como novidade, a partir do vindeiro curso, as universidades galegas recoñecerán con créditos a participación do alumnado de Bacharelato neste programa
Idioma GallegoA Xunta de Galicia vén de recoñecer este curso, por primeira vez, os mellores proxectos de investigación realizados polos centros educativos no marco do Bacharelato de Excelencia en Ciencias e Tecnoloxía, STEMBach, unha iniciativa que ten como finalidade impulsar a formación STEM (ciencias, tecnoloxía, enxeñaría e matemáticas) e as habilidades científico-tecnolóxicas, en especial no tratamento de datos e na incorporación da intelixencia artificial á sociedade, así como fomentar as vocacións neste eido entre os máis novos.
Na xornada de hoxe, os nove mellores proxectos do programa de STEMBach, dos 61 desenvoltos, defenderon os seus traballos ante un xurado. Nesta parte avaliáronse criterios como a puntuación acadada na fase preliminar e, se a exposición está ben estruturada e organizada. Finalmente seleccionaranse os tres mellores proxectos de investigación. O titular do departamento educativo galego destacou que estes proxectos “demostran a calidade e o talento que atesouran os estudantes galegos e convido a afondar máis na formación STEM”.
Os gañadores son o IES Eusebio da Guarda da Coruña co proxecto Novas dianas terapéuticas para o tratamento da artroses: un modelo con algas mariñas, realizado por Natalia Gómez e Ha Nul Kim; o IES Rosalía de Castro con Influencia das condicións meteorolóxicas na cantidade de raios cósmicos detectados na superficie, feito por Belén Carla Merino Pazos, e Tipo de redes neuronais: fundamentos teóricos e aplicacións, traballo de Aroa Álvarez, Andrea Dapena, Natalia Fernández e Alba Quintas, alumnas do IES Eduardo Blanco Amor. As premiadas, todas mulleres, irán de viaxe á feira SciFest de Dublín, en Irlanda.
Centro premiados
Alumnas participantes
Titoría do proxecto
Director de investigación
Proxecto
IES Plurilingüe Eusebio da Guarda (A Coruña)
Natalia Gómez López e Ha Nul Kim Youm
María Jesús Mourazos
Valetina Calamia e Carlos Vaamonde-García
Novas dianas terapéuticas para o tratamento da artroses: un modelo con algas mariñas
IES Plurilingüe Rosalía de Castro (Santiago de Compostela)
Belén Carla Merino Pazos
Enrique Cao Rodríguez
Cristina Cabo Landeira
Influencia das condicións meteorolóxicas na cantidade de raios cósmicos detectados na superficie
IES Eduardo Blanco Amor (Ourense)
Aroa Álvarez Pérez, Andrea Dapena Suárez, Natalia Fernández Valeiras e Alba Quintas Núñez
Carlos Ferreiro García
José Ángel Cid Araújo
Tipo de redes neuronais: fundamentos teóricos e aplicacións
Todos os proxectos realizaron prácticas para coñecer as aplicacións reais da ciencia e a técnica, así como adquirir unha formación actualizada e autónoma que lles estimule para os futuros estudos universitarios.
O xurado destacou a calidade dos proxectos que resultaron premiados así como do resto de finalistas, detallados a continuación:
Centro
Proxecto
IES Plurilingüe Eusebio da Guarda (A Coruña)
Medición da calidade lingüística de textos con técnicas de lingüística computacional
IES Plurilingüe Eusebio da Guarda (A Coruña)
Sistemas automáticos de recomendación de videoxogos
IES Agra do Orzán (A Coruña)
Sistema automático de recomendacións de videoxogos
IES Nosa Sra. dos Ollos Grandes (Lugo)
Materiais construtivos e procesos de deterioro da Catedral de Lugo e Capela do Carme
IES Nosa Sra. dos Ollos Grandes (Lugo)
Estimación do sexo, idade e talla en restos óseos humanos
CPR Plurilingüe Miralba (Vigo)
Explorando ambientes extremos como fonte de microorganismos produtores de enzimas de interese industrial
IES Plurilingüe Rosalía de Castro (Santiago de Compostela)
Sensoxenómica, descifrando a melodía xenética da saúde e a enfermidade
Novidades para o vindeiro cursoSTEMbach é unha iniciativa que facilita a adquisición de competencias transversais como a creatividade, o emprendemento, a resolución de problemas, o traballo en equipo, o pensamento crítico e a cidadanía global. Ademais, o programa pon especial foco na redución da fenda de xénero, mellorando a presenza de mulleres en carreiras do ámbito STEM e técnicas.
O titular do departamento galego, aproveitou esta xornada para destacar os bos resultados deste plan educativo. “O éxito da iniciativa pódese medir na calidade dos proxectos presentados e no volume de centros participantes, 45, e por ser cursado por 774 alumnos”, salientou. Os estudantes desenvolven un proxecto de investigación relacionado con calquera ámbito de recoñecemento de materias cursadas, que está codirixido por un docente pertencente a un departamento universitario ou entidade de investigación de Galicia e do que o alumno realiza unha defensa do traballo en sesión publica.
No acto tamén participaron a directora xeral de Ordenación e Innovación Educativa, Judith Fernández, a vicerreitora de Titulacións e Internacionalización da USC, María José López, a vicerreitora de Estudantando e Empregabilidade da UVigo, Natalia Caparrini, e a responsable do STEMbach da UDC, Susana Ladra.
A convocatoria do programa STEMBach para o vindeiro curso ten como novidade que as universidades recoñecerán con créditos ECTS a participación do alumnado de Bacharelato neste programa educativo. Grazas a iso, os estudantes que superen o STEMbach e se matriculen posteriormente nalgunha das universidades públicas galegas verá recoñecido con créditos de libre configuración gratuítos este mérito. En total, poderán obter 1,5 créditos ECTS por curso académico universitario, ata un máximo de 6 créditos ECTS. Este feito será aplicable tanto para os que titulen de aquí en diante como para os que xa o fixeron en cursos anteriores.
Información xeral Consellería de Educación, Ciencia, Universidades e Formación ProfesionalRomán Rodríguez agradece o labor do profesorado e dos equipos directivos dos centros escolares tras un curso sen incidencias
O conselleiro de Educación, Ciencia, Universidades e Formación Profesional, Román Rodríguez, agradece o labor e a implicación do profesorado e dos equipos directivos dos centros escolares para garantir o normal funcionamento do curso escolar que vén de rematar e compromete o apoio do seu departamento para que a partir de setembro sigan traballando coa mesma responsabilidade e compromiso co sistema educativo galego de calidade.
Así o trasladou hoxe na reunión da Xunta Autonómica de Directores, na se fixo un balance do período lectivo e se abordou a planificación do vindeiro curso, onde a Xunta continuará reforzando medidas de mellora do sistema dirixidas ao profesorado e ao alumnado en temas de organización académica, así como en programas específicos no eido da convivencia, o plurilingüismo ou a seguridade tecnolóxica, entre outros.
Información xeral Consellería de Educación, Ciencia, Universidades e Formación ProfesionalResolución definitiva de centros candidatos para participar na Fase 4 do programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2022/23 e 2023/24
Resolución definitiva de centros candidatos para participar na Fase 4 do programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2022/23 e 2023/24, que se levará a cabo a nivel autonómico, nacional e internacional.
Anuncio principal:
Programa de formación “Observa_Acción: Desenvolvemento competencial desde a observación e o intercambio entre iguais”, durante os cursos escolares 2022/23 e 2023/24, que se levará a cabo a nivel autonómico, nacional e internacionalTema:
Formación OBSERVA_ACCIÓN Plans e actuacións en innovación educativaEnsinanza:
Educación infantil Educación primaria Educación secundaria obrigatoriaDepartamento:
Servizo de Programas de FormaciónColectivo:
Profesorado CentrosSección:
InnovaciónResolución definitiva de centros candidatos para participar na Fase 2 do programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2023/24 e 2024/25
Resolución definitiva de centros candidatos para participar na Fase 2 do programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2023/24 e 2024/25, que se levará a cabo a nivel autonómico, nacional e internacional.
Anuncio principal:
Programa de formación “Observa_Acción: desenvolvemento competencial desde a observación e o intercambio entre iguais”, durante os cursos escolares 2023/24 e 2024/25, que se levará a cabo a nivel autonómico, nacional e internacionalTema:
Formación OBSERVA_ACCIÓN Plans e actuacións en innovación educativaEnsinanza:
Educación infantil Educación primaria Educación secundaria obrigatoriaDepartamento:
Servizo de Programas de FormaciónColectivo:
Profesorado CentrosSección:
InnovaciónA captación de contratos e proxectos por parte do CiTIUS permitiu quintuplicar o investimento da Xunta neste centro de investigación de excelencia
Summary:
O Goberno galego está a investir máis de 5M€ neste centro no período 2021-2027, no marco da Rede de Centros de Investigación Universitaria de Galicia
Idioma GallegoO secretario xeral de Universidades, José Alberto Díez, e o reitor da Universidade de Santiago de Compostela, Antonio López, participaron hoxe na Comisión Reitora do Centro de Investigación Singular en Tecnoloxías Intelixentes (CiTIUS), onde se fixo balance da actividade do centro nos últimos meses e se presentaron os novos proxectos captados.
A este respectos, informouse de que o investimento da Xunta de Galicia neste centro no último trienio, algo máis de 2,8M€, foi multiplicado por cinco a través de recursos asociados sobre todo á captación de contratos e proxectos de investigación, tanto de fondos públicos como privados. Destaca especialmente o incremento da súa captación de fondos internacionais, nos que o CiTIUS multiplicou por preto de 4 cada euro captado no trienio anterior.
Neste sentido, o representante da Consellería de Educación, Ciencia, Universidades e FP destacou que o Goberno galego vén de incrementar nun 31% o financiamento da Rede de Centros de Investigación Universitaria de Galicia, da que forma parte o CiTIUS, sumando ademais novos centros. No caso do CiTIUS, disporá de máis de 2,4M€ ata 2027, máis as achegas complementarias a través doutros convenios do ámbito da I+D.
Novos proxectosNo que atinxe aos novos proxectos, o centro compostelán vén de acadar un financiamento acumulado de 9M€ para catro iniciativas. Dúas delas teñen carácter nacional e consisten no desenvolvemento de dúas cátedras: Cátedra USC-Plexus de IA aplicada á Medicina Personalizada de Precisión e Cátedra Chip USC-Televés en deseño microelectrónico: innovación no deseño e fabricación de microchips avanzados.
Os outros dous proxectos son internacionais. Un deles, RePowerSIC, liderado desde o CiTIUS para toda Europa, céntrase na alimentación de vehículos espaciais mediante conversores de potencia alimentados a través de láseres de alta eficiencia. A outra iniciativa ten como obxectivo proporcionar experiencias de Realidade Virtual para mellorar a saúde mental e está financiada directamente desde unha fundación dos Estados Unidos.
Información xeral Consellería de Educación, Ciencia, Universidades e Formación ProfesionalResolución pola que se procede a establecer os lugares en que se realizará a proba para a concesión dos premios extraordinarios de ESO ao rendemento académico correspondentes ao curso 2023-2024.
Anuncio principal:
Publicación da orde de convocatoria dos premios extraordinarios de ESO ao rendemento académico correspondentes ao curso 2023-2024Servizo relacionado:
Premios ao alumnadoTema:
Axudas e premios Premios autonómicosEnsinanza:
Educación secundaria obrigatoriaDepartamento:
Dirección Xeral de Ordenación e Innovación Educativa Subdirección Xeral de Inspección e Avaliación do Sistema Educativo Servizo de Avaliación do Sistema EducativoColectivo:
Alumnado Familias CentrosCORRECCIÓN DE ERROS. Orde do 19 de xuño de 2024 pola que se convocan os premios de educación secundaria obrigatoria ao esforzo e á superación persoal correspondentes ao curso 2023/24
Anuncio principal:
Convocatoria dos premios de educación secundaria obrigatoria ao esforzo e á superación persoal correspondentes ao curso 2023-24Servizo relacionado:
Premios ao alumnadoTema:
Axudas e premios Premios autonómicosEnsinanza:
Educación secundaria obrigatoriaDepartamento:
Dirección Xeral de Ordenación e Innovación Educativa Subdirección Xeral de Inspección e Avaliación do Sistema Educativo Servizo de Avaliación do Sistema EducativoColectivo:
Alumnado Familias CentrosResolución de concesión das axudas de apoio á etapa predoutoral 2024 (pendente de publicación no DOG)
Anuncio principal:
Axudas de apoio á etapa predoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, cofinanciadas parcialmente polo Programa FSE+ Galicia 2021-2027, para o 2024Tema:
BolsasEnsinanza:
UniversidadeDepartamento:
Secretaría Xeral de Universidades Subdirección Xeral de Promoción Científica e Tecnolóxica Universitaria Servizo de Xestión Científico-TecnolóxicaColectivo:
AlumnadoA Xunta apoia con 8 M€ a mellora das infraestruturas de investigación e ensaio dos centros tecnolóxicos galegos
Summary:
O Consello da Xunta autoriza a resolución das axudas para fortalecer e ampliar as capacidades científico-tecnolóxicas dos centros tecnolóxicos Aimen, CETIM, CTAG e Gradiant mediante o apoio a investimentos
O obxectivo é facilitar o seu crecemento potenciando a súa internacionalización e reforzar as súas actividades de transferencia cara o tecido produtivo
Esta terceira convocatoria de fortalecemento dos centros tecnolóxicos galegos, que inclúe por primeira vez tanto edificación como equipamento, contribuirá ao mantemento de 516 postos de traballo
Desde a posta en marcha deste programa no 2018, téñense apoiado en total 19 proxectos con axudas por 17 millóns de euros, mobilizando 35 millóns de euros
Idioma GallegoA Xunta vai apoiar a mellora das infraestruturas de investigación e ensaio de catro centros tecnolóxicos galegos con 8M€, do que se deu conta hoxe no Consello da Xunta, autorizando dúas delas por superar os 3M€ de axuda pública. A actuación, cofinanciada pola Unión Europea no marco do programa Galicia Feder 2021-2027, busca apoiar os investimentos neste eido dos centros tecnolóxicos Aimen, CETIM, CTAG e Gradiant. Esta terceira convocatoria permitirá mobilizar ao redor de 16 M€ contribuíndo ao mantemento de 516 postos de persoal altamente cualificado.
Con esta liña de axudas, a Consellería de Educación, Ciencia, Universidades e Formación Profesional, a través da Axencia Galega de Innovación, apoia a creación e ampliación das infraestruturas de investigación e experimentación de catro centros tecnolóxicos galegos, cubrindo desde a adquisición de terreos e equipamento ata a construción ou ampliación de edificacións e activos inmateriais.
O obxectivo destas axudas é reforzar as capacidades científico-tecnolóxicas dos centros tecnolóxicos e centros de apoio á innovación galegos para acadar unha I+D+i pioneira capaz de atraer talento e investimento privado, mellorando o posicionamento galego a nivel internacional, e facilitar o seu crecemento, excelencia e actividades cara ao tecido produtivo. Ademais, os proxectos están orientados á xeración de capacidades nos ámbitos estratéxicos da Estratexia de Especialización Intelixente (RIS3) de Galicia, evitando solapamentos coas infraestruturas xa existentes e favorecendo sinerxías entre elas.
Cada solicitude inclúe un plan de explotación adaptado ao tipo de infraestrutura que permitirá comprobar a sustentabilidade financeira das mesmas e estimar o seu impacto potencial no ecosistema galego de innovación. A intensidade dos apoios é a máxima permitida para este tipo de axudas, o 50 %.
Infraestruturas apoiadasNo caso de Aimen, que recibirá algo máis de 3,2M€, realizará un investimento de 6,4M€ destinado á construción dun novo centro de fabricación intelixente no Porriño , onde se lanzarán novas liñas de infraestruturas singulares de fabricación avanzada e sustentable e de dixitalización punteiras en ámbitos de grande impacto para Galicia como o transporte, a enerxía e a construción, así como reforzar e fortalecer as xa existentes.
O CETIM, con sede en Culleredo e que recibirá ao redor de 442.000 euros, investirá 883.000 euros na mellora da súa excelencia científica e de investigación no eido da Economía Circular, focalizando os esforzos nos seis ámbitos de investigación estratéxica do centro: baterías, augas, hidróxeno verde, polímeros sustentables, materiais de construción sustentable e industria sustentable.
O CTAG, que obtén unha axuda de 4M€, realizará un investimento de 8M€ en infraestruturas de investigación no Porriño asociadas ás liñas de investigación da mobilidade autónoma, conectada, segura e ecolóxica que caracterizan o futuro da industria do automóbil.
Por último, Gradiant, cun apoio de preto de 263.000 euros en Vigo, ten como obxectivo a adquisición e posta en marcha dunha infraestrutura de investigación e computación a baixa escala para a realización de actividades de I+D en tecnoloxías de alto impacto e potencial de aplicación en diversos ámbitos, cun orzamento total de preto de 526.000 euros. En concreto, ditas actividades propoñen a investigación en tecnoloxías cuánticas, micro-nanoelectrónica e fotónica, computación confidencial, análise multimedia, tecnoloxías da linguaxe e, en xeral, intelixencia artificial aplicada.
Balance desta liña de axudasEn total, a través das tres convocatorias desta liña de axudas (2018, 2020 e 2024) téñense apoiado en total 19 proxectos con axudas por importe de 17 millóns de euros, mobilizando 35 millóns de euros. Pero non son as únicas destinadas a estes entes e, de feito, desde o ano 2009, o Goberno autonómico ten destinado preto de 26 M€ en apoios aos centros tecnolóxicos galegos a través de financiamento basal e diferentes programas de concorrencia competitiva. Estas infraestruturas ocupan unha posición destacada no ecosistema galego de I+D+i pois o seu papel é esencial na transformación da economía polo seu potencial para xerar vantaxes competitivas no tecido empresarial.
Información xeral Consellería de Educación, Ciencia, Universidades e Formación ProfesionalA Xunta destina case 450.000€ ao cofinanciamento de 17 comedores escolares que dan servizo a 780 alumnos
Summary:
O Goberno galego incrementou este curso as partidas para estas colaboracións entre un 10 e un 20% para axudar a estas entidades a facer fronte á inflación
Renóvanse os acordos con 13 asociacións especializadas na atención a persoas con discapacidades e coa Deputación de Pontevedra para 557 alumnos con necesidades
Tamén se dá continuidade aos convenios cos concellos de Oroso, Manzaneda e Vilalba, a través dos que se facilita o servizo a 223 escolares
Idioma GallegoO Consello da Xunta deu hoxe luz verde á renovación de 17 convenios de colaboración con diferentes entidades e concellos para o cofinanciamento do servizo complementario de comedor escolar. En total destinaranse case 450.000€, a través dos que se atenderá a 780 alumnos.
O Goberno galego incrementou este curso as partidas para estas colaboracións entre un 10 e un 20%, con especial fincapé na atención ás necesidades específicas de atención educativa, co fin de contribuír a que estas entidades fixeran fronte á inflación.
O investimento máis importante ten como obxectivo facilitar o servizo de comedor adaptado aos alumnos con necesidades educativas específicas. Para iso, por una banda renóvanse os acordos para o curso 2024/25 con 13 asociacións especializadas na atención a persoas con discapacidades, cun investimento total de 264.067€ para os 517 usuarios destas entidades, 14 máis ca no curso anterior.
En concreto, asinaranse addendas aos convenios xa subscritos coa Asociación de Apoyo a Personas con Diversidad Intelectual (ACEESCA), coa Asociación de Atención a la Parálisis Cerebral y Afines (AMENCER—ASPACE), coa Asociación de Familias de Persoas con Discapacidade Psíquica das Comarcas do Barbanza e Noia (AMICOS), coa Asociación de Padres de Personas con Parálisis Cerebral – A Coruña (ASPACE), coa Asociación de Pais de Persoas con Trastornos do Espectro Autista da Provincia da Coruña (ASPANAES), coa Asociación en Favor de las Personas con Discapacidad Intelectual de la Provincia de Pontevedra (ASPANAEX), coa Asociación Pro Personas con Discapacidad Intelectual de Galicia (ASPRONAGA), coa Asociación Autismo Ourense, con Hogar y Clínica San Rafael de Vigo, coa Asociación BS A Esperanza do Val Miñor, coa Fundación Menela, coa Asociación San Xerome Emiliani e coa Asociación Nuestra Señora de Chamorro.
O obxectivo destes acordos é facilitar a este alumnado o servizo de comedor adaptado ás súas particulares necesidades, de tal forma que as asociacións colaboradoras asumen a súa atención e coidado durante o período comprendido entre o fin das clases e o remate do servizo de comedor. Deste xeito, o alumnado pode aproveitar o carácter didáctico do comedor no que atinxe á aprendizaxe de habilidades que redunden nunha maior autonomía persoal e, polo tanto, nunha maior inclusión.
Por outra banda, asinarase unha addenda ao convenio coa Deputación de Pontevedra para facilitar o servizo de comedor escolar a alumnos e coidadores do CEE Pontevedra (un centro pertencente á Consellería) en dependencias da residencia provincial situada na cidade infantil Príncipe Felipe e que depende do ente provincial.
Trátase, tamén neste caso, dun servizo de comedor axustado ás necesidades especiais deste alumnado. O importe é de 23.923,20 € para atender ao 40 usuarios.
Apoio aos concellosA Consellería de Educación, Ciencia, Universidades e FP está a colaborar cos concellos que solicitaron a xestión dos comedores escolares de centros de ensino do seu municipio. Neste Consello autorizouse a renovación dos acordos subscritos cos concellos de Oroso, Manzaneda e Vilalba para os cursos 2024/25 e 2025/26.
Deste xeito, cofinanciarase o servizo de comedor a 110 alumnos do CEIP Plurilingüe do Camiño Inglés (Oroso), a 38 do Colexio CEIP de Manzaneda e a 75 da Escola de Educación Infantil de Vilalba, neste último caso cun incremento de 30 usuarios respecto do curso 2023/24. O importe total ascende a 160.556€, o que supón un incremento de 14.685€ por ano académico.
Información xeral Consellería de Educación, Ciencia, Universidades e Formación ProfesionalSelección de centros e alumnado matriculado en centros públicos de ensino non universitario da Comunidade Autónoma de Galicia para participar no programa EduMob de intercambio individual de alumnado
Resolución definitiva da selección de centros e alumnado matriculado en centros públicos de ensino non universitario da Comunidade Autónoma de Galicia para participar no programa EduMob de intercambio individual de alumnado en réxime de reciprocidade con alumnado matriculado en centros pertencentes á Région Académique de Grand Est (Francia) durante o curso 2024/2025.
Anuncio principal:
Selección de centros e alumnado matriculado en centros públicos de ensino non universitario da Comunidade Autónoma de Galicia para participar no programa EduMob de intercambio individual de alumnadoTema:
Lingua estranxeira Programas e plans Programas europeos e internacionaisEnsinanza:
BacharelatoDepartamento:
Dirección Xeral de Ordenación e Innovación Educativa Subdirección Xeral de Inclusión e Innovación EducativaColectivo:
Alumnado CentrosSección:
Linguas estranxeirasResolución de concesión das axudas de apoio á etapa predoutoral 2024
Anuncio principal:
Axudas de apoio á etapa predoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, cofinanciadas parcialmente polo Programa FSE+ Galicia 2021-2027, para o 2024Tema:
BolsasEnsinanza:
UniversidadeDepartamento:
Secretaría Xeral de Universidades Subdirección Xeral de Promoción Científica e Tecnolóxica Universitaria Servizo de Xestión Científico-TecnolóxicaColectivo:
AlumnadoPublicación da listaxe definitiva de cualificacións da proba que substitúe o requisito de titulación e da listaxe definitiva de persoas admitidas e excluídas na proba de acceso ás Ensinanzas Artísticas Profesionais de Deseño
Anuncio principal:
Resolución do 10 de abril de 2024, da Dirección Xeral de Formación Profesional, pola que se convocan probas e se ditan instrucións para o acceso e a admisión do alumnado nas ensinanzas profesionais de Artes Plásticas e Deseño en Galicia 2024/25Tema:
EscolarizaciónEnsinanza:
Ensinanzas de réxime especial Ensinanzas profesionais de artes plásticas e deseñoDepartamento:
Dirección Xeral de Formación Profesional Subdirección Xeral de Aprendizaxe Permanente, Ensinanzas Artísticas, Idiomas e Deportivas Servizo de Ensinanzas de Réxime Especial e Aprendizaxe PermanenteColectivo:
AlumnadoProposta de resolución de concesión das axudas de apoio á etapa predoutoral 2024
Anuncio principal:
Axudas de apoio á etapa predoutoral nas universidades do SUG, nos organismos públicos de investigación de Galicia e noutras entidades do Sistema galego de I+D+i, cofinanciadas parcialmente polo Programa FSE+ Galicia 2021-2027, para o 2024Tema:
BolsasEnsinanza:
UniversidadeDepartamento:
Secretaría Xeral de Universidades Subdirección Xeral de Promoción Científica e Tecnolóxica Universitaria Servizo de Xestión Científico-TecnolóxicaColectivo:
Alumnado- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »
![IES de Beade agregador Distribuir contido](/centros/iesbeade/misc/feed.png)