Intercambio con Francia
Xa están en Gondomar os quince estudantes do Collège Saint-Jean Eudes de Vire (Normandía), que participan na segunda parte do intercambio que organiza o departamento de Francés con alumnado de 3º e 4º de ESO do noso instituto. Chegaron o domingo á noite, acompañados por dúas profesoras, e estarán nas casas do noso alumnado ata o próximo sábado. Ao longo desta semana de convivencia van participar nun programa de actividades que comezou este luns 29 cunha visita ás instalacións do instituto e a asistencia a un concerto do alumnado de 2ºESO na aula de Música. A continuación achegáronse ao Concello de Gondomar, onde foron recibidos polo alcade, e realizaron unha visita guiada pola vila. Logo participaron por grupos nunha "Misión imposible", un xogo de pistas, e finalmente regresaron ao instituto para desenvolver unha actividade de Plástica organizada pola profesora Dorinda Garrido. Pola tarde asistiron a clase cos seus compañeiros. Hoxe martes fan todos xuntos unha ruta en bicicleta ata a Praia de Prado (Nigrán), onde van recibir unha clase de iniciación ao surf.
![](https://scontent-mad1-1.xx.fbcdn.net/v/t1.0-9/58629952_2451193088281127_3364513170201772032_o.jpg?_nc_cat=105&_nc_ht=scontent-mad1-1.xx&oh=b51eaa7efab50b852ecceebc79e6026d&oe=5D705AD2)