O mércores 20 de novembro de 19:00h a 21:00h teremos no instituto unha nova sesión da Escola de Nais e Pais (ENAPA), aberta ás familias de todo o noso alumnado. Esta actividade enmárcase nun proxecto de colaboración entre os centros de ensino e os centros de saúde do Val Miñor, que se iniciou no curso 2019-2020 e do que, ante a preocupación polo aumento de consumo de tóxicos e outras condutas aditivas entre a mocidade da comarca, xurdiu o Programa de intervención sobre habilidades de comunicación intrafamiliar, autoestima e consumo de tóxicos no IES auga da Laxe.

Rematado o prazo de presentación de candidaturas dos distintos sectores da comunidade educativa, a Xunta Electoral das eleccións ao Consello Escolar 2024 proclamou onte as candidaturas presentadas, que están expostas no taboleiro do patio interior do instituto. Ábrese un prazo de dous días, 13 e 14 de novembro, para posibles reclamacións á proclamación de candidaturas. As votacións nos distintos sectores celebraranse o mércores 20 de novembro.

O próximo mércores 13 de novembro de 19:00h a 21:00h haberá no instituto unha sesión de Escola de Nais e Pais (ENAPA) sobre "Fortalecemento do benestar persoal e social intrafamiliar", a cargo da psicóloga e a traballadora social da Asociación Alborada. Esta actividade, que está dirixida a familias e alumnado de 3ºESO, enmárcase dentro do PFPP que se desenvolve no centro e está vinculada co proxecto de Intervención sobre habilidades de comunicación intrafamiliar, autoestima e prevención de consumos no que o noso instituto colabora desde hai anos cos centros de saúde do Val Miñor.

Segundo o establecido na Resolución do 10 de setembro de 2024 da Dirección Xeral de Ordenación e Innovación educativa da Consellería de Educación, Ciencia, Universidades e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos públicos (DOG do 18 de setembro de 2024), convócanse eleccións ao Consello Escolar do IES Auga da Laxe. 

Con data do 28/10/2024 publicouse no perfil do contratante da Plataforma de Contratos de Galicia (www.contratosdegalicia.gal) a licitación para a contratación da concesión do servizo de cafatería do IES Auga da Laxe, xunto co doutros centros de ensino público da provincia de Pontevedra, dividido en 6 lotes, durante os cursos 2024/2025 e 2025/2026 mediante procedemento aberto e tramitación ordinaria. O prazo para a presentación de ofertas remata o 26/11/2024 ás 14:00h.